សម្រង់សម្តីសំខាន់ ៣ចំណុច ក្នុងសារដែលលោក Zelensky ចេញកណ្តាលអាធ្រាត្រ

ប្រធានាធិបតីអ៊ុយក្រែនលោក Volodymyr Zelensky បានចេញសារមួយ ទាំងកណ្តាលអាធ្រាត្រថ្ងៃសុក្រ ដោយរៀបរាប់ពីស្ថានភាពនៅក្នុងប្រទេសរបស់លោក ខណៈដែលកងកម្លាំងរុស្ស៊ីបន្តឆ្ពោះទៅកាន់រដ្ឋធានី គៀវ។

ខាង​ក្រោម​នេះ​ ជាចំណុចសំខាន់ៗដកស្រង់ចេញពី​សារជា​វីដេអូ៖

១. លោកបាននិយាយថា យប់នេះគឺជាពេលវេលាសម្រេចជោគវាសនារបស់អ៊ុយក្រែន។ យប់នេះនឹងមានការលំបាកខ្លាំងណាស់ ហើយសត្រូវនឹងប្រើកម្លាំងដែលមានទាំងអស់ ដើម្បីបំបែកការតស៊ូរបស់អ៊ុយក្រែន។

២. លោកបានចោទប្រកាន់រុស្ស៊ីថា បានវាយប្រហារសាលាមត្តេយ្យ។ គ្មានអ្វីដែលអាចពន្យល់ពីមូលហេតុដែលសាលាមត្តេយ្យ និងហេដ្ឋារចនាសម្ព័ន្ធស៊ីវិល ត្រូវរងការបាញ់ផ្លោងនោះទេ។

៣. លោកនិយាយថា មានការខាតបង់ទាំងសងខាង។ គោលដៅចម្បងរបស់យើងគឺត្រូវបញ្ចប់ការសម្លាប់នេះ។ ការខាតបង់របស់សត្រូវគឺធ្ងន់ធ្ងរណាស់ ថ្ងៃនេះទាហានដែលឆ្លងដែន ហើយចូលមកទឹកដីរបស់យើងរាប់រយនាក់ត្រូវបានសម្លាប់។ ជា​អកុសល យើង​ក៏​ទទួល​រង​ការ​ខាត​បង់ដែរ៕

ប្រែសម្រួល៖​ Vann Vann

ប្រភព៖ CNN

ចុចអាន៖ ក្រុម Anonymous ប្រកាសសង្គ្រាមអ៊ីនធឺណិតជាមួយ រុស្ស៊ី