អង់គ្លេស ព្រមានកងទ័ព មិនឲ្យទៅប្រយុទ្ធនៅ​ អ៊ុយក្រែន ដាច់ខាត (មានវីដេអូ)

រដ្ឋមន្ត្រីក្រសួងកងកម្លាំងប្រដាប់អាវុធអង់គ្លេស លោក James Heappey បានព្រមានទាហានកំពុងបម្រើការ និងអតីតយុទ្ធជនអង់គ្លេស មិនឲ្យធ្វើដំណើរទៅអ៊ុយក្រែន ដើម្បីប្រយុទ្ធប្រឆាំងនឹងការវាយលុករបស់រុស្ស៊ី ដាច់ខាត។

លោក Heappey បានប្រាប់ Sky News ថា ជំហររបស់រដ្ឋាភិបាលគឺថា ប្រសិនបើអ្នកជាសមាជិកនៃកងកម្លាំងប្រដាប់អាវុធ ហើយសម្រេចចិត្តទៅចូលរួមក្នុងជម្លោះនៅអ៊ុយក្រែន  នោះអ្នកត្រូវបានចាត់ទុកថា បំពានច្បាប់។

រដ្ឋមន្ត្រីក្រសួងការពារជាតិបានប្រាប់ Kay Burley ថា បុគ្គលិកយោធាណាម្នាក់ដែលជ្រើសរើសទៅអ៊ុយក្រែន នឹងជួបបញ្ហាច្រើន។

លោកបន្តថា នេះមិនមែនជាពេលវេលាសម្រាប់មនុស្សទៅទីនោះទេ ហើយប្រជាជនអ៊ុយក្រែនបានបញ្ជាក់យ៉ាងច្បាស់ថា នៅពេលដែលអ្នកឆ្លងកាត់ព្រំដែនជាមួយនឹងការរំពឹងថានឹងប្រយុទ្ធ អ្នកនឹងជាមនុស្សល្អ។

ដូច្នេះមនុស្សដែលគិតថា ពួកគេអាចទៅទីនោះពីរបីសប្តាហ៍, ថតរូប Selfie, ថតរូប Instagram ហើយត្រលប់មកផ្ទះវិញ នោះមិនមែនជារបៀបដែលប្រជាជនអ៊ុយក្រែនចង់ឃើញលើមនុស្សដែលទៅប្រយុទ្ធដើម្បីពួកគេនោះទេ។ ប្រជាជនអង់គ្លេសមិនគួរ ធ្វើរឿងបែបនេះឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sky

ចុចអាន៖ អ៊ុយក្រែន ទាមទារមួយចំណុចធំ មុនជំនួបកំពូលជាមួយ រុស្ស៊ី ថ្ងៃនេះ