Connect with us

ព័ត៌មានអន្ដរជាតិ

កូរ៉េ​​ខាង​​ជើង​​មាន​​អ្នក​​ស្លាប់​​ដោយ​​កូវីដ​​ច្រើន​​នាក់​​​ម្សិល​​មិញ​

បានផុស

នៅ

កាលពីថ្ងៃអាទិត្យម្សិលមិញនេះ ប្រទេសកូរ៉េខាងជើងមានអ្នកស្លាប់ដោយជំងឺកូវីដ-១៩ចំនួន១៥នាក់ថែមទៀតដែលសរុបអ្នកស្លាប់បានឡើងដល់៤២នាក់គិតចាប់តាំងពីប្រទេសនេះស្ថិតក្រោមបំរាមបិទខ្ទប់ទូទាំងប្រទេសរយៈពេល៤ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលស្គាល់របស់កូរ៉េងខាងជើងកាលពីថ្ងៃព្រហស្បតិ៍ថា ខ្លួនបានកំពុងប្រយុទ្ធនឹងការផ្ទុះជំងឺកូវីដ-១៩ដ៏អាក្រក់ដែលមានក្តីបារម្ភថា ជំងឺនេះអាចរាតត្បាតប្រទេស​យ៉ាងធ្ងន់ធ្ងរដែលមានប្រព័ន្ធសុខាភិបាលទន់ខ្សោយ ស្របពេលសមត្ថភាពធ្វើតេស្តមានកំណត់ និងគ្មានកម្មវិធីចាក់វ៉ាក់សាំង។

ទីភ្នាក់ងារសារព័ត៌មានរដ្ឋកូរ៉េខាងជើង KCNA បានផ្សាយថា ប្រទេសកំពុងចាត់វិធានការគ្រាអាសន្នដើម្បីគ្រប់គ្រងការរាតត្បាត ប៉ុន្តែមិនមានសញ្ញាណាមួយបង្ហាញថា ទីក្រុងព្យុងយ៉ាងផ្លាស់ប្តូរឥរិយាបថដើម្បីទទួលយកជំនួយវ៉ាក់សាំងពីអន្តរជាតិឡើយ។

KCNA បានផ្សាយកាលពីថ្ងៃអាទិត្យថា ៖«គ្រប់ខេត្ត ក្រុង និងស្រុកទាំងអស់ទូទាំងប្រទេសត្រូវបានដាក់បំរាមបិទខ្ទប់ ហើយអង្គភាពការងារ អង្គភាពផលិតកម្ម និងអគារស្នាក់នៅត្រូវបានបិទចាប់តាំងពីព្រឹកថ្ងៃទី១២ ខែឧសភា ហើយការរឹតបន្តឹង និងត្រួតពិនិត្យលើប្រជាជនទាំងអស់កំពុងអនុវត្ត»។

កាលពីចុងសប្តាហ៍កន្លងទៅនេះ មេដឹកនាំកូរ៉េខាងជើង លោក គីម ជុងអ៊ុន បាននិយាយថា ការរីករាលដាលនៃជំងឺកូវីដ-១៩បានវាយប្រហារធ្វើឲ្យប្រទេសមានចលាចល និងអំពាវនាវឲ្យរួមដៃគ្នាដើម្បីប្រយុទ្ធយកឈ្នះជំងឺនេះ។

ទោះបីជាដាក់បំរាមបិទខ្ទប់ក្តី លោក គីម និងមន្ត្រីជាន់ខ្ពស់ផ្សេងទៀតកាលពីថ្ងៃសៅរ៍បានចូលរួមពិធីបុណ្យសព លោក Yang Hyong Sop អតីតប្រមុខរដ្ឋក្នុងសម័យលោក គីម ជុងអ៉ីល។

អាជ្ញាធរសុខាភិបាលបានបង្កើតប៉ុស្តិ៍ត្រួតពិនិត្យ និងការពារ ព្រមទាំងដឹកជញ្ជូនបរិក្ខាពេទ្យជាបន្ទាន់ទៅកាន់មន្ទីរពេទ្យ និងគ្លីនិក។ តាមការផ្សាយដដែលនេះថា យ៉ាងហោចណាស់ មនុស្ស ២៩៦១៨០ មានរោគសញ្ញាក្តៅខ្លួន និង១៥នាក់ទៀតបានស្លាប់កាលពីថ្ងៃអាទិត្យ។

អ្នកជំនាញបាននិយាយថា កូរ៉េខាងជើងទំនងជាខ្វះសមត្ថភាពក្នុងការធ្វើតេស្តមនុស្សរាប់ម៉ឺននាក់ដែលមានរោគសញ្ញា។ ជារួមកូរ៉េខាងជើងបានឲ្យដឹងថា មនុស្ស៨២០៦២០នាក់សង្ស័យឆ្លងមេរោគនេះ ខណៈមនុស្ស ៣២៤៥៥០នាក់ស្ថិតក្រោមការព្យាបាល៕

អានបន្ថែម៖ គីម ជុងអ៊ុន បញ្ជាឲ្យយោធាធ្វើសកម្មភាពខ្លាំងក្លា ខណៈស្ថានភាពកូវីដ កាន់តែធ្ងន់ធ្ងរ

ប្រែសម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ២៣ ម៉ោង មុន

យោធាថៃម្នាក់ស្លាប់ ក្នុងហេតុការណ៍ផ្ទុះគ្រាប់បែកនៅខេត្ត Pattani 

សន្តិសុខសង្គម២៣ ម៉ោង មុន

ជាថ្មីម្ដងទៀត គ្រូបារមីស្នងរូប ៧ ភាសា ចុះកិច្ចសន្យាបញ្ឈប់សកម្មភាពប៉ះពាល់ តម្លៃព្រះពុទ្ធសាសនា និងសង្គម

សន្តិសុខសង្គម៤ ម៉ោង មុន

តុលាការសម្រេចឃុំខ្លួនលោក ហង្ស សំណាង និងបក្ខពួកដាក់ពន្ធនាគារពីបទ ធ្វើឲ្យខូចទឹកចិត្តកងទ័ព

ព័ត៌មានអន្ដរជាតិ៤ ម៉ោង មុន

បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai

សេចក្ដីជូនដំណឹង២៤ ម៉ោង មុន

ធនាគារ វីង និងធនាគារ ស៊ីអាយអិមប៊ី សិង្ហបុរី សហការជំរុញកំណើនសេវាហិរញ្ញវត្ថុរវាងកម្ពុជា និងសិង្ហបុរី

Sokha Hotels

ព័ត៌មានពេញនិយម