Connect with us

ព័ត៌មានអន្ដរជាតិ

ថ្ងៃ​​សុក្រ​នេះ​ WHO​ ​កោះ​​ប្រជុំ​​បន្ទាន់​ ជុំ​វិញ​ជំងឺ​​អុត​ស្វា​​រាល​ដាល​​ជាង​​១០​​ប្រទេស

បានផុស

នៅ

អង្គការសុខភាព​ពិភព​លោក (WHO) បាន​កោះ​ប្រជុំ​បន្ទាន់​មួយ​នា​ថ្ងៃ​សុក្រ​នេះ​ដើម្បី​ពិភាក្សាជុំ​វិញ​ជំងឺ​អុត​ស្វា​ (Monkeypox) ដែលកំពុង​រាល​ដាល​កាន់​តែ​ច្រើន​ ជា​ពិសេស​នៅ​អឺរ៉ុប។

នៅក្នុងអ្វីដែលអាល្លឺម៉ង់​បានពិពណ៌នាថា ជា​ការផ្ទុះដ៏ធំបំផុតនៅអឺរ៉ុបមិនធ្លាប់មាន ខណៈ​​កើត​មាន​ហោច​ណាស់​មាន​១២​​ប្រទេស​​​គឺ បែលហ្សិក​ បារាំង អាល្លឺម៉ង់ អ៉ីតាលី ហុល្លង់ ព័រទុយហ្គាល់ អេស្ប៉ាញ ស៊ុយអែត ចក្រភព​អង់គ្លេស ព្រម​ទាំង​សហរដ្ឋ​អាមេរិក កាណាដា និង​អូស្ត្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសអេស្ប៉ាញ​មាន​​២៤​ករណី​គិត​ត្រឹម​​ថ្ងៃ​សុក្រ​នេះ ​ភាគ​ច្រើន​នៅ​ទី​ក្រុង​ Madrid ដែល​ជា​​កន្លែងរដ្ឋាភិបាល​មូលដ្ឋាន​បាន​បិទ​ហាង​ស៊ូណា​មួយ​កន្លែង​ពាក់​ព័ន្ធ​នឹង​ការ​ឆ្លង​ច្រើន​ជាង​គេ។

មន្ទីរ​ពេទ្យ​នៅ​ក្នុង​ប្រទេស​អ៉ីស្រាអែល​បាន​កំពុង​ព្យាបាល​អ្នក​ជំងឺ​​​ម្នាក់​អាយុ​ខ្ទង់​៣០​ឆ្នាំ​ដែល​មាន​រោគ​សញ្ញា​ជំងឺ​នេះ បន្ទាប់​ពី​បាន​មក​ពី​តំបន់​អឺរ៉ុប​ខាង​លិច។

ករណី​ដំបូង​ត្រូវ​បាន​រក​ឃើញ​នៅ​ក្នុង​សត្វ​ស្វា ជំងឺ​នេះ​​ជា​ទូទៅ​ឆ្លង​តាម​ការ​ទំនាក់​ទំនង​គ្នា​ជិត​ស្និទ្ធបំផុត និង​កម្រ​រាល​ដាល​ចេញ​ពី​តំបន់​អាហ្វ្រិក​ណាស់ ខណៈ​ការ​កើត​មាន​ភាគច្រើន​បំផុត​នៅ​អាហ្វ្រិក​ខាង​លិច និង​អាហ្វ្រិក​កណ្តាល។

ទោះ​បី​ជា​យ៉ាង​ណា អ្នក​វិទ្យាសាស្ត្រ​មិន​រំពឹង​ថា វា​ជា​ជំងឺ​រាត​ត្បាត​ដែលផ្ទុះ​ខ្លាំង​ដូច​ជំងឺ​កូវីដ-១៩​ឡើយ ពី​ព្រោះ​វីរុស​នេះ​មិន​ឆ្លង​ងាយ​​ៗ​នោះ​ទេ។ ជំងឺ​អុត​ស្វា​​ជា​ធម្មតា​មាន​អាការ​ស្រាល​គឺ​មាន​រោគ​សញ្ញា​ក្តៅ​ខ្លួន និង​ឡើង​កន្ទួលរដិបរដុបប្លែកៗ​លើ​ដង​ខ្លួន។ជំងឺ​អុត​ស្វា​​ជា​ធម្មតា​មាន​អាការ​ស្រាល​គឺ​មាន​រោគ​សញ្ញា​ក្តៅ​ខ្លួន និង​ឡើង​កន្ទួលរដិបរដុបប្លែកៗ​លើ​ដង​ខ្លួន។

«នេះ​គឺ​ជា​ការ​រីក​រាល​ដាល​ធំ​បំផុត​នៃ​ជំងឺ​អុត​ស្វា​នៅ​អឺរ៉ុប​​​មិន​ធ្លាប់​មាន»។ កម្លាំង​សេវាវេជ្ជសាស្ត្រ​របស់​ប្រទេស​អាល្លឺម៉ង់​បាន​និយាយ​ បន្ទាប់​ពី​រក​ឃើញ​លើក​ដំបូង​នៅ​ក្នុង​ប្រទេស​នា​ថ្ងៃ​សុក្រ​នេះ។

កិច្ច​ប្រជុំ​គណៈកម្មាធិការ​របស់​អង្គការ​សុខភាព​ពិភព​លោក​នឹង​ពិភាក្សា​គ្នា​លើ​បញ្ហា​នេះ​គឺក្រុម​ប្រឹក្សា​យុទ្ធសាស្ត្រ និង​បច្ចេកទេស​​ស្តីអំពី​​គ្រោះ​ថ្នាក់​ជំងឺ​ឆ្លង និង​​រាត​ត្បាត​ដ៏​មាន​សក្តានុពល (STAG-IH) ដែល​ផ្តល់​ប្រឹក្សា​ពីហានិភ័យ​នៃ​ការ​ឆ្លង​អាច​ជា​ការ​គំរាម​កំហែង​ទូទាំង​ពិភព​លោក៕

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម