រុស្ស៊ី ថា អាមេរិក ពិតជាពាក់ព័ន្ធក្នុងគម្រោងមន្ទីរពិសោធន៍ជីវសាស្ត្រនៅ អ៊ុយក្រែន

ក្រុមប្រឹក្សាសន្តិសុខអង្គការសហប្រជាជាតិ (UNSC) កាលពីថ្ងៃសុក្របានបើកកិច្ចប្រជុំលើកទី ៣ ចាប់តាំងពីការផ្ទុះឡើងនៃជម្លោះរុស្ស៊ី-អ៊ុយក្រែន ដើម្បីពិភាក្សាអំពីវត្តមានរបស់មន្ទីរពិសោធន៍ជីវសាស្ត្រយោធានៅក្នុងប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vasily Nebenzy តំណាងអចិន្ត្រៃយ៍របស់រុស្ស៊ីប្រចាំនៅអង្គការសហប្រជាជាតិបាននិយាយថា “យើងខ្ញុំបន្តទទួលបានភស្តុតាងឯកសារគួរឲ្យព្រួយបារម្ភអំពីមន្ទីរពិសោធន៍ ហើយវាជាការពិតដែលក្រសួងការពារជាតិសហរដ្ឋអាមេរិកចូលរួមដោយផ្ទាល់ក្នុងការអនុវត្តគម្រោងជីវសាស្ត្រដ៏គ្រោះថ្នាក់ដែលមើលទៅដូចជាកម្មវិធីជីវសាស្ត្រយោធាសម្ងាត់នៅក្នុងប្រទេសអ៊ុយក្រែន” ។

លោកបន្តថា សកម្មភាពទាំងនេះកំពុងត្រូវបានអនុវត្តនៅអឺរ៉ុបខាងកើត និងនៅព្រំដែនភាគខាងលិចរបស់រុស្ស៊ី ។ វាគឺជាការគំរាមកំហែងពិតប្រាកដចំពោះសុវត្ថិភាពនៃប្រទេសរបស់យើង ក៏ដូចជាគំរាមកំហែដល់ពិភពលោកទាំងមូលផងដែរ ។

បើទោះជាយ៉ាងនេះក្ដី សហរដ្ឋ​អាមេរិកនៅតែ​បដិសេធ​ម្តង​ហើយ​ម្តង​ទៀត​ថា​មិន​មាន​ប្រតិបត្តិការ​មន្ទីរ​ពិសោធន៍​គីមី ឬ​ជីវសាស្ត្រ​ណា​មួយ​នៅ​អ៊ុយក្រែនឡើយ ។

ទន្ទឹមនោះលោក Nebenzy ក៏បានចោទជាសំណួរទៅវិញថា ហេតុអ្វីបានជាសហរដ្ឋអាមេរិកប្រមូលមេរោគពីទន្លេអ៊ុយក្រែន ហើយហេតុអ្វីបានជាអ្នកវិទ្យាសាស្ត្រអាមេរិកធ្វើការពិសោធន៍មនុស្សដោយសម្ងាត់ និងនាំចេញសំណាកមេរោគផ្សេងៗ? ។

ជាចុងក្រោយលោកបានស្នើសុំឲ្យមានការស៊ើបអង្កេតលើសកម្មភាពទាំងនេះដោយអនុលោមតាមអនុសញ្ញាអាវុធជីវសាស្ត្ររបស់អង្គការសហប្រជាជាតិ ៕

ប្រែសម្រួលដោយ ៖ ជីវ័ន្ត

ប្រភព ៖ Shanghai Eye

ចុចអាន ៖ ប្រព័ន្ធខែលការពារដែនអាកាសទំនើបបំផុតរបស់ រុស្ស៊ី ទៅដល់ដៃកងទ័ព នៅអ៊ុយក្រែនហើយ