ព័ត៌មានអន្ដរជាតិ
មូលដ្ឋានទ័ព អាមេរិក ទំនងជាបំពុលទឹកផឹកនៅ ជប៉ុន ខណៈមនុស្សជិតកន្លះ លាននាក់កំពុងរងផលប៉ះពាល់
អ្នកជំនាញនិយាយថា បច្ចុប្បន្នការទទួលទានទឹកនៅទីក្រុង Okinawa កំពុងមានជាតិបំពុល ហើយមូលដ្ឋានយោធាអាមេរិកកំពុងក្លាយជាមុខព្រួញសម្រាប់ការស្តីបន្ទោសនេះ ។

លោក Kunitoshi Sakurai សាស្រ្តាចារ្យនៃសាកលវិទ្យាល័យ Okinawa បាននិយាយថា ឥឡូវនេះមនុស្ស ៤៥០,០០០ ដែលរស់នៅទីក្រុង Okinawa បានផឹកទឹកដែលមានជិតបំពុល ហើយវាជាចំនួនច្រើនបំផុត ព្រោះចំនួនប្រជាជនសរុបនៅ Okinawa មានតែប្រហែល ១.៥ លាននាក់ប៉ុណ្ណោះ ។
លោកសាស្ត្រាចារ្យបន្ថែមថា ការបំពុលនៃអាស៊ីត PFOS (Perfluorooctane Sulfonate) ទំនងជាចេញមកពីមូលដ្ឋានយោធាអាមេរិក ហើយអាស៊ីតនេះមិនត្រឹមតែបំពុលទឹកផឹករបស់យើងប៉ុណ្ណោះទេ ថែមទាំងអាចបំផ្លាញផ្ទៃដី និងដីស្រែរបស់យើងទៀតផង ។

លោក Sakurai បាននិយាយទៀតថា សមាសធាតុគីមី Organofluorine ច្រើនពេកក៏ត្រូវបានរកឃើញនៅក្នុងទឹករបស់ទីក្រុង Okinawa ផងដែរ ខណៈកម្រិតខ្ពស់នៃអាស៊ីត PFOS នៅក្នុងរាងកាយរបស់មនុស្សអាចបណ្តាលឲ្យមានការកើនឡើងកូឡេស្តេរ៉ុល ផ្លាស់ប្តូរមុខងារថ្លើម ផ្លាស់ប្តូរកម្រិតអរម៉ូនទីរ៉ូអ៊ីត និងការថយចុះនៃការឆ្លើយតបនៃប្រព័ន្ធភាពស៊ាំជាដើម ។
ទន្ទឹមនោះអ្នកជំនាញក្នុងតំបន់បានរកឃើញការបំពុលជាលើកដំបូងតាំងពីឆ្នាំ ២០១៦ មកម្ល៉េះ ប៉ុន្តែពួកគេមិនមានមូលដ្ឋានច្បាប់ដើម្បីស៊ើបអង្កេតករណីនេះនោះទេ ។ ក្រោយមកនៅក្នុងខែមេសា ឆ្នាំ ២០២០ រដ្ឋាភិបាលជប៉ុនបានអនុម័តបទប្បញ្ញត្តិថ្មីស្ដីពីការបំពុលនេះ បន្ទាប់ពីរកឃើញសំណាកទឹកមួយចំនួននៅជិតមូលដ្ឋានយោធាអាមេរិកមានលើសពីកម្រិតសុវត្ថិភាពក្នុងការសាកល្បង ។

ស្របពេលជាមួយគ្នានេះ សហរដ្ឋអាមេរិកក៏បានច្រានចោលការអំពាវនាវឲ្យមានការស៊ើបអង្កេតលើប្រភពនៃការបំពុលទឹកនេះផងដែរ បើទោះជាការសិក្សាបានរកឃើញថា ការបំពុលនេះនឹងបង្កើនហានិភ័យនៃជំងឺមហារីក និងជំងឺធ្ងន់ធ្ងរផ្សេងទៀត ក៏ដូចជាធ្វើឲ្យកុមារងាយរងគ្រោះទៅនឹងជំងឺហឺត ក្រពេញទីរ៉ូអ៊ីត និងបញ្ហាអភិវឌ្ឍន៍ខួរក្បាលក៏ដោយ ៕
ប្រែសម្រួលដោយ ៖ ជីវ័ន្ត
ប្រភព ៖ SCMP
ចុចអាន ៖ រុស្ស៊ី ថា អាមេរិក ពិតជាពាក់ព័ន្ធក្នុងគម្រោងមន្ទីរពិសោធន៍ជីវសាស្ត្រនៅ អ៊ុយក្រែន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ