Connect with us

ព័ត៌មានអន្ដរជាតិ

ណាតូ ធ្វើសមយុទ្ធទ័ពជើងទឹកជាមួយប្រទេសត្រៀមចូលជាសមាជិកនៅ សមុទ្របាល់ទិក

បានផុស

នៅ

អង្គការណាតូកំពុងធ្វើសមយុទ្ធកងទ័ពជើងទឹកប្រចាំឆ្នាំនៅសមុទ្របាល់ទិក ហើយក៏មានការចូលរួមពីប្រទេសស៊ុយអែត និងហ្វាំងឡង់ ដែលបានដាក់ពាក្យសុំចូលជាសមាជិកសម្ព័ន្ធភាពយោធាលោកខាងលិចមួយនេះកាលពីខែមុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសជាសមាជិកចំនួន ១៤ ផ្សេងទៀតរបស់អង្គការណាតូ រួមទាំងសហរដ្ឋអាមេរិក អាល្លឺម៉ង់ និងតួកគី ក៏បានចូលរួមក្នុងសមយុទ្ធរយៈពេល ២ សប្តាហ៍ផងដែរដែលបានចាប់ផ្តើមកាលពីថ្ងៃអាទិត្យកន្លងមក ។

ទន្ទឹមនោះណាតូបាននិយាយថា សមយុទ្ធកងទ័ពជើងទឹកនេះ មានគោលបំណងពង្រឹងសមត្ថភាពឆ្លើយតប ដែលធ្វើឡើងជាពិសេសដើម្បីការពារសេរីភាព និងសុវត្ថិភាពនៃការធ្វើនាវាចរឆ្លងកាត់សមុទ្របាល់ទិក ។

ចំណែកសមយុទ្ធនៅថ្ងៃអង្គការនេះ កងកម្លាំង​អាមេរិក​បាន​អនុវត្ត​ការ​ចុះចត​យន្តហោះចម្បាំងនៅ​លើ​កោះ Gotland របស់​ស៊ុយអែត ខណៈសមយុទ្ធបោសសម្អាតមីន ក៏ដូចជាសមរភូមិត្រាប់តាមការវាយប្រហារដោយនាវាមុជទឹករបស់សត្រូវក៏ត្រូវបានគ្រោងទុកផងដែរ ។

គួរបញ្ជាក់ថា សមយុទ្ធកងទ័ពជើងទឹករបស់អង្គការណាតូបានធ្វើឡើងជារៀងរាល់ឆ្នាំក្នុងរយៈពេល ៥០ ឆ្នាំចុងក្រោយនេះ ហើយមិនទាក់ទងដោយផ្ទាល់ទៅនឹងសង្គ្រាមលុកលុយរបស់រុស្ស៊ីលើអ៊ុយក្រែននោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ដឹងទេក្នុងមួយថ្ងៃៗ រុស្ស៊ី កើបលុយពីចំណូលប្រេងបានប៉ុន្មានលាន?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម