ក្រុមហ៊ុនអាមេរិក និងអង់គ្លេស បញ្ជូនទាហានស៊ីឈ្នួលទៅអ៊ុយក្រែន​ តែអន្តរជាតិស្ងាត់ឈឹង

បណ្តាក្រុមហ៊ុនយោធាឯកជនមកពីសហរដ្ឋអាមេរិក និងអង់គ្លេស បានចូលរួមនៅក្នុងការជ្រើសរើស និងបញ្ជូនទាហានស៊ីឈ្នួលទៅកាន់ប្រទេស អ៊ុយក្រែន។ នេះ​បើ​តាម​ការ​បញ្ជាក់ប្រាប់សារព័ត៌មាន RT ​ពី​តំណាង​ផ្លូវការរបស់​ក្រសួង​ការ​បរទេស​រុស្ស៊ីលោកស្រី Maria Zakharova។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបាននិយាយក្នុងសន្និសីទមួយថា “សម្រាប់ពួកគេ ការដឹកជញ្ជូនទាហានស៊ីឈ្នួល ​ត្រូវបានទាក់ទាញដោយក្រុមហ៊ុនយោធាឯកជននៅសហរដ្ឋអាមេរិក និងចក្រភពអង់គ្លេស ហើយជាការពិតណាស់ មិនមានការដាក់ទណ្ឌកម្ម ឬការរឹតបន្តឹងអ្វីសោះប្រឆាំងពួកគេ”។

លោកស្រី Zakharova បន្ថែមថា នៅក្នុងស្ថានភាពជាមួយទាហានស៊ីឈ្នួល ស្ថាប័នអន្តរជាតិ រួមទាំងអង្គការសម្រាប់សន្តិសុខនិងកិច្ចសហប្រតិបត្តិការនៅអឺរ៉ុប, ក្រុមប្រឹក្សាអឺរ៉ុប និងអង្គការណាតូផងដែរ គឺនៅស្ងាត់ឈឹង។

ទន្ទឹមនឹងនេះ ក្រសួងការពារជាតិរុស្ស៊ី បានចោទប្រកាន់ថា “ក្រុមសកម្មប្រយុទ្ធមកពីកងវរសេនាតូចជាតិនិយមអ៊ុយក្រែន មានចេតនាដុតកម្ទេចឃ្លាំងដ៏ធំមួយនៅកំពង់ផែសមុទ្រ Mariupol ខណៈពេលកំពុងរត់គេចពីកងកម្លាំងរុស្ស៊ី”។

យោងតាមសេចក្តីថ្លែងការណ៍របស់ក្រសួង សកម្មភាពដុតបំផ្លាញនេះ គឺជាឆន្ទៈរបស់ពួកសកម្មប្រយុទ្ធ។ ជាលទ្ធផល គ្រាប់ធញ្ញជាតិជាង ៥០ ០០០ តោនត្រូវបានបំផ្លាញ៕

ប្រែសម្រួល៖ Vann Vann

ប្រភព៖ IANS Live

ចុចអាន៖ រុស្ស៊ីព្រមានថា អ៊ុយក្រែន កំពុងរៀបផែនការបង្ករឿង ដោយប្រើប្រាស់អាវុធគីមីនៅតំបន់ Sumy