អង្គការលើកលែងទោសរកឃើញថា រុស្ស៊ី ប្រើគ្រាប់បែកហាមឃាត់ សម្លាប់ជនស៊ីលរាប់រយនាក់នៅ Kharkiv

យោងតាមរបាយការណ៍ថ្មីមួយដែលគេដាក់ឈ្មោះ “អ្នកណាក៏ដោយ អាចស្លាប់គ្រប់ពេលវេលា” របស់អង្គការលើកលែងទោសអន្តរជាតិ បានបង្ហាញថា រុស្ស៊ី បានសម្លាប់ជនស៊ីវិលរាប់រយនាក់នៅក្នុងទីក្រុង Kharkov ភាគឦសានប្រទេស អ៊ុយក្រែន ជាមួយនឹងគ្រាប់បែកចង្កោមដែលត្រូវបានហាមឃាត់។

របាយការណ៍ដែលចេញផ្សាយនៅថ្ងៃចន្ទទី១៣ខែមិថុនានេះ ក៏បានចោទប្រកាន់ទីក្រុងមូស្គូផងដែរ ពីការបាញ់ផ្លោងមិនរើសមុខលើទីក្រុងធំលំដាប់ទីពីររបស់ប្រទេសអ៊ុយក្រែន។

ក្រុមសិទ្ធិមនុស្សបាននិយាយថា “ការទម្លាក់គ្រាប់បែកម្តងហើយម្តងទៀតលើសង្កាត់លំនៅដ្ឋានក្នុងទីក្រុង Kharkov គឺជាការវាយប្រហារមិនរើសមុខ ដែលបានសម្លាប់ និងបណ្តាលឲ្យជនស៊ីវិលរាប់រយនាក់រងរបួស ហើយនោះបង្កទៅជាឧក្រិដ្ឋកម្មសង្រ្គាម”។

ក្នុងរបាយករណ៍នោះ អង្គការលើកលែងទោសបានអះអាងថា ខ្លួនមានភស្តុតាងនៃការប្រើប្រាស់ម្តងហើយម្តងទៀតនៃគ្រាប់បែកចង្កោមប្រភេទ 9N210 និង 9N235 និងគ្រាប់មីនបែកខ្ញែក ដោយកងទ័ពរុស្ស៊ីនៅក្នុងទីក្រុង Kharkov។

គួរបញ្ជាក់ថា សព្វាវុធ​ទាំង​អស់​នេះ ​ត្រូវ​បាន​ហាម​ឃាត់​ក្រោម​ច្បាប់​អន្តរជាតិ៕

ប្រែសម្រួល៖ Vann Vann

ប្រភព៖ Sky

ចុចអាន៖ ភ្ញាក់ផ្អើល ពេលដឹងចំណូលរបស់រុស្ស៊ី ពីការលក់ឥន្ធនៈហ្វូស៊ីល នៅ១០០ថ្ងៃដំបូង នៃសង្គ្រាម