ព័ត៌មានអន្ដរជាតិ
ឡាវ ឲ្យមនុស្សម្នាក់ប្ដូរប្រាក់បានតែ ១០០ ដុល្លារប៉ុណ្ណោះក្នុងមួយថ្ងៃ
ធនាគារនៃប្រទេសឡាវ (BOL) បានចេញសេចក្ដីសម្រេចថ្មីឲ្យធនាគារពាណិជ្ជ និងកន្លែងផ្តល់សេវាប្តូរប្រាក់ត្រូវតែកំណត់ការលក់ ឬប្ដូរលុយបរទេសក្នុងម្នាក់ត្រឹម ១៥ លានគីប (ជិត ១០០ ដុល្លារ) ប៉ុណ្ណោះក្នុងមួយថ្ងៃ ដោយសារតែការកើនឡើងអតិផរណា និងរូបិយប័ណ្ណក្នុងស្រុកបន្តធ្លាក់ថ្លៃ ។
បុគ្គលម្នាក់ៗត្រូវតែបង្ហាញពីហេតុផលរបស់ពួកគេក្នុងការប្តូរលុយបរទេស រួមទាំងផ្តល់អត្តសញ្ញាណផ្សេងៗដូចជា លិខិតឆ្លងដែននៅមានសុពលភាព អត្តសញ្ញាណប័ណ្ណ ឬសៀវភៅគ្រួសារជាដើម ។
នៅក្រោមសេចក្តីសម្រេចថ្មីនេះ ធនាគារពាណិជ្ជអាចលក់រូបិយប័ណ្ណបរទេសទៅឲ្យនីតិបុគ្គល ឬអង្គការក្នុងស្រុក និងអន្តរជាតិ ប៉ុន្តែកន្លែងប្តូរប្រាក់ផ្សេងៗនឹងអាចលក់រូបិយប័ណ្ណបរទេសឲ្យតែបុគ្គលធម្មតាប៉ុណ្ណោះ ។
ទន្ទឹមនោះ ធនាគារពាណិជ្ជក៏ត្រូវផ្តល់អាទិភាពដល់អង្គការដែលមានបំណងទិញរូបិយប័ណ្ណបរទេស ដើម្បីទិញទំនិញអាទិភាពមួយចំនួនដូចជា ប្រេងឥន្ធនៈ ថ្នាំពេទ្យ ឬទំនិញប្រើប្រាស់សំខាន់ៗផ្សេងទៀតដែលត្រូវតែនាំចូលពីបរទេស ។
សេចក្តីសម្រេចចែងទៀតថា ធនាគារពាណិជ្ជក៏គួរតែអនុញ្ញាតឲ្យទិញរូបិយប័ណ្ណបរទេសសម្រាប់ការទូទាត់សេវាកម្មទាក់ទងនឹងពាណិជ្ជកម្មអន្តរជាតិ ការវិនិយោគបរទេស ការទូទាត់ប្រាក់កម្ចីជារូបិយប័ណ្ណបរទេស ការផ្តល់ជំនួយអន្តរជាតិ ការទូទាត់ប្រាក់ចំណេញដល់អ្នកវិនិយោគបរទេស និងប្រាក់ឈ្នួលដល់ពលកម្មបរទេស ឬការទូទាត់ទៅសាកលវិទ្យាល័យ ឬមន្ទីរពេទ្យនៅបរទេសជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៥ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)