ព័ត៌មានអន្ដរជាតិ

ស្រីលង្កា ប្រាប់ទំហំទឹកប្រាក់ត្រូវការផ្គត់ផ្គង់សេដ្ឋកិច្ច និងតម្រូវការផ្សេងៗ

បានផុស

២ years មុន

នៅ

ថ្ងៃសុក្រ ២៤ មិថុនា ២០២២

ដោយ

នាយករដ្ឋមន្ត្រីស្រីលង្កាលោក Ranil Wickremesinghe បាននិយាយថា ប្រទេសស្រីលង្កាត្រូវការទំហំទឹកប្រាក់ ៥ ពាន់លានដុល្លារដើម្បីផ្គត់ផ្គង់សេដ្ឋកិច្ច ក៏ដូចជាតម្រូវការសំខាន់ៗដូចជា អាហារ ប្រេងឥន្ធនៈ ជី និងឧស្ម័នក្នុងរយៈពេល ៦ ខែខាងមុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់សភារបស់ប្រទេសនេះកាលពីថ្ងៃព្រហស្បតិ៍ លោក Wickremesinghe បាននិយាយថា “សេដ្ឋកិច្ចរបស់យើងកំពុងប្រឈមនឹងការដួលរលំទាំងស្រុង ហើយមានតែការកាត់បន្ថយទុនបម្រុងបរទេសប៉ុណ្ណោះដែលជាផ្លូវឆ្ពោះទៅរកការស្តារហិរញ្ញវត្ថុឡើងវិញ” ។

លោក Wickremesinghe បញ្ជាក់ថា “នោះគឺជាបញ្ហាធ្ងន់ធ្ងរបំផុតនៅចំពោះមុខយើងនៅពេលនេះ ។ បញ្ហាទាំងនេះអាចត្រូវបានដោះស្រាយបានតែតាមរយៈការធ្វើឲ្យសេដ្ឋកិច្ចស្រីលង្ការស់ឡើងវិញប៉ុណ្ណោះ ។ ដើម្បីធ្វើដូច្នេះ យើងត្រូវដោះស្រាយវិបត្តិទុនបម្រុងបរទេសជាមុនសិន” ។

កាលពីខែមេសា ស្រីលង្កាប្រកាសថាបានជំពាក់បំណុលបរទេសទាំងអស់របស់ខ្លួន ហើយប្រទេសកោះមួយនេះជួបការតវ៉ាប្រឆាំងរដ្ឋាភិបាលទ្រង់ទ្រាយធំ ចំពេលមានវិបត្តិសេដ្ឋកិច្ចដ៏អាក្រក់បំផុត ។

ទន្ទឹមនោះ កាលពីពាក់កណ្តាលខែឧសភា ប្រទេសនេះក៏បានបញ្ជាក់ពីការរងគ្រោះដោយវិបត្តិអស់សាំងផងដែរ បន្ទាប់ពីទុនបម្រុងរបស់ប្រទេសសម្បូរអ្នកទេសចរមួយនេះបានដាំក្បាលចុះក្រោម ចាប់តាំងពីជំងឺរាតត្បាតកូវីដ ១៩ បានបិទរាល់ការធ្វើដំណើរ និងការផ្ញើប្រាក់ចូលទៅក្នុងប្រទេស ។

ទាក់ទិននឹងវិបត្តិហិរញ្ញវត្ថុនេះដែរក៏បណ្តាលឲ្យមានការលាលែងពីតំណែងរបស់អតីតនាយករដ្ឋមន្ត្រីលោក Wickremesinghe Mahinda Rajapaksa បន្ទាប់ពីការតវ៉ាដោយហិង្សា ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ រុស្ស៊ី ផ្ដល់ប្រាក់ខែថ្មីឲ្យទាហានដែលកំពុងប្រយុទ្ធនៅ អ៊ុយក្រែន