អ៊ុយក្រែន បញ្ចេញទិន្នន័យថ្មីចំនួនទាហានស្លាប់ក្នុងសង្គ្រាមរាល់ថ្ងៃ

លោក David Arakhamia មន្ត្រីជាន់ខ្ពស់ម្នាក់របស់អ៊ុយក្រែនបានប្រាប់សារព័ត៌មាន Axios ថា ទាហានអ៊ុយក្រែនរហូតដល់ ១,០០០ នាក់ត្រូវបានសម្លាប់ ឬរងរបួសជារៀងរាល់ថ្ងៃនៅក្នុងតំបន់ Donbas នៃប្រទេសអ៊ុយក្រែន ។

លោក Arakhamia បានលើកឡើងបែបនេះ បន្ទាប់ពីកងកម្លាំងរុស្សីបាននឹងកំពុងវាយសម្រុកទៅមុខលើទីក្រុង Severodonetsk និងទីក្រុងឆ្លងកាត់ទន្លេ Lysychansk ក្នុងគោលបំណងដើម្បីគ្រប់គ្រងទាំងស្រុងនៃតំបន់ Luhansk ភាគខាងកើតបំផុត ។

ពាក់ព័ន្ធនឹងបញ្ហានេះដែរ លោកប្រធានាធិបតីអ៊ុយក្រែន Volodymyr Zelensky ក៏បានអំពាវនាវឲ្យបង្កើនការដាក់​ទណ្ឌកម្មប្រឆាំងនឹងប្រទេសរុស្ស៊ី ក៏ដូចជាឲ្យពន្លឿនជំនួយយោធាពីលោកខាងលិចផងដែរ ។

គួរបញ្ជាក់ថា រហូតមកដល់ពេលនេះសង្គ្រាមរុស្ស៊ីលើអ៊ុយក្រែនដែលលោក ពូទីន ចាត់ទុកជា “ប្រតិបត្តិការយោធាពិសេស” បានអូសបន្លាយពេលជាង ៤ ខែមកហើយ បន្ទាប់ពីផ្ទុះការវាយលុកកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Business Insider

ចុចអាន ៖ រុស្ស៊ី ព្រមានប្រទេសចង់បានតំបន់ Kaliningrad ប្រយ័ត្នម៉ត់ដូចក្នុងម៉ាស៊ីន កិនសាច់