កូវីដ វិលទៅ Wuhan សាជាថ្មី!

ករណីបញ្ជាក់លើកដំបូងនៃជំងឺកូវីដ១៩ ត្រូវបានរាយការណ៍នៅក្នុងទីក្រុង Wuhan របស់ប្រទេសចិន ដែលជាកន្លែងមេរោគនេះលេចចេញជាលើកដំបូង។

បុគ្គលិកកំពង់ផែ ២នាក់នៅទីក្រុង Wuhan ត្រូវបានគេរាយការណ៍ថា ចេញរោគសញ្ញាជំងឺកូវីដ១៩។

ឥឡូវនេះ ប្រទេសចិនត្រូវបានគេរំពឹងថា នឹងឆ្លងកាត់ការធ្វើតេស្តទ្រង់ទ្រាយធំលើកទីបួនរបស់ខ្លួន ដើម្បីបន្តដាក់នៅដាច់ដោយឡែក ចំពោះតំបន់ដែលជាកន្លែងករណីឆ្លងកំពុងត្រូវបានកត់ត្រា បន្ទាប់ពីខេត្ត Anhui បានរាយការណ៍ពីការកើនឡើងនៃការឆ្លងចំនួន ១០៧ករណី កាលពីថ្ងៃសុក្រទី០១ខែកក្កដា ហើយស្រុក Lingbi ត្រូវបានបិទខ្ទប់។

ប្រទេសទាំងមូល បានកត់ត្រាការឆ្លងថ្មីចំនួន ១៦៣ករណី កាលពីថ្ងៃព្រហស្បតិ៍ ដែលជាចំនួនខ្ពស់បំផុតក្នុងរយៈពេល ៣ សប្តាហ៍ចុងក្រោយ។

ដំណឹងនេះកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីលោកប្រធានាធិបតី ស៊ី ជីនពីង បានទៅពិនិត្យមើលទីក្រុងដ៏ធំ ហើយបានបង្ហាញពីបំណងរបស់លោក ចង់ឲ្យទីក្រុងទាំងមូលត្រូវបានបិទខ្ទប់ និងស្ថិតនៅក្រោមការរឹតបន្តឹងយ៉ាងធ្ងន់ធ្ងរ ដើម្បីទប់ស្កាត់មេរោគ។

គួរបញ្ជាក់ថា ស្ត្រីដែលគេស្គាល់ឈ្មោះថា Wei Guixian បានធ្លាក់ខ្លួនឈឺជំងឺអាថ៌កំបាំង ដោយចេញរោគសញ្ញាដូចជំងឺគ្រុនផ្តាសាយកាលពីថ្ងៃទី ១១ ខែធ្នូ ឆ្នាំ ២០១៩។ ចាប់តាំងពីពេលនោះមក ជំងឺកូវីដ១៩ត្រូវបានគេបញ្ជាក់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ កូវីដ នឹងបន្តរីករាលដាលជាច្រើនឆ្នាំខាងមុខទៀត