ព័ត៌មានអន្ដរជាតិ
អ៊ុយក្រែន ប្រកាសផែនការ ៣ ដំណាក់កាលស្ដារប្រទេសឡើងវិញ
រដ្ឋាភិបាលអ៊ុយក្រែននៅក្នុងសន្និសីទអន្តរជាតិមួយដែលធ្វើឡើងក្នុងប្រទេសស្វីសបានបង្ហាញផែនការ ៣ ដំណាក់កាលសម្រាប់ការស្តារប្រទេសដែលកំពុងហែកហួរដោយសង្រ្គាម ។
លោកនាយករដ្ឋមន្ត្រី Denys Shmyhal បាននិយាយថា ផែនការ ៣ ដំណាក់កាលនេះរួមមាន ទី ១ គឺការស្ដារឡើងវិញនូវហេដ្ឋារចនាសម្ព័ន្ធសំខាន់ៗសម្រាប់ជីវភាពរស់នៅប្រចាំថ្ងៃរបស់ប្រជាជន ដូចជាការផ្គត់ផ្គង់ទឹក និងស្ពានជាដើម ។
លោកបន្តថា ទី ២ គឺគម្រោងផ្សេងៗរួមមានការស្ដារមន្ទីរពេទ្យ និងសាលារៀន ខណៈចុងក្រោយអ៊ុយក្រែននឹងធ្វើការផ្លាស់ប្តូរសេដ្ឋកិច្ចរបស់ខ្លួនទៅជាប្រទេសដែលមានភាពស្និទ្ធស្នាលនឹងបរិស្ថាន ។
ទន្ទឹមនោះ លោក Shmyhal បានស្នើថា ទ្រព្យសម្បត្តិរបស់រុស្ស៊ីដែលត្រូវបានបង្កកនៅលោកខាងលិច និងប្រទេសដទៃទៀតដែលជាផ្នែកនៃទណ្ឌកម្មប្រឆាំងនឹងទីក្រុងមូស្គូ គួរតែត្រូវបានយកមកប្រើប្រាស់ក្នុងផែនការកសាងអ៊ុយក្រែនឡើងវិញ ។
ស្របពេលជាមួយគ្នានេះ លោកនាយករដ្ឋមន្ត្រីអ៊ុយក្រែនបានប្រាប់សន្និសីទនោះទៀតថា ផែនការនេះត្រូវបានប៉ាន់ស្មានរួចហើយនឹងចំណាយអស់ទឹកប្រាក់ ៧៥០ ពាន់លានដុល្លារ ។
ក្នុងសន្និសីទនោះ លោកប្រធានាធិបតីអ៊ុយក្រែន Volodymyr Zelensky ក៏បានចូលរួមកិច្ចប្រជុំតាមអនឡាញផងដែរ ហើយលោកបាននិយាយថា ការកសាងឡើងវិញរបស់អ៊ុយក្រែនមិនមែនជាគម្រោងសម្រាប់ប្រជាជាតិតែមួយទេ ប៉ុន្តែជាកិច្ចការរួមសម្រាប់ពិភពលោកប្រជាធិបតេយ្យទាំងមូល ។
គួរបញ្ជាក់ថា សន្និសីទស្តីពីការស្តារអ៊ុយក្រែនបានចាប់ផ្ដើមដំណើរការកាលពីថ្ងៃចន្ទនៅទីក្រុង Lugano ភាគខាងត្បូងប្រទេសស្វីស ហើយបានប្រមូលផ្តុំមន្ត្រីមកពីប្រទេសចំនួន ៤០ និងរួមបញ្ចូលទាំងសហភាពអឺរ៉ុប ធនាគារពិភពលោក និងអង្គភាពអន្តរជាតិផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ុយក្រែន ថា ការដណ្ដើមយកតំបន់ Luhansk ជាជ័យជម្នះចុងក្រោយរបស់ រុស្ស៊ី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល