Connect with us

ព័ត៌មានអន្ដរជាតិ

កូរ៉េខាងជើង ចាប់ផ្តើមហាត់បាញ់នុយក្លេអ៊ែរលើកូរ៉េខាងត្បូង

បានផុស

នៅ

នៅថ្ងៃព្រហស្បតិ៍ទី៣១ខែសីហា ទីភ្នាក់ងារសារព័ត៌មានរដ្ឋ KCNA ផ្សាយថា យោធាកូរ៉េខាងជើង បានធ្វើសមយុទ្ធបាញ់នុយក្លេអ៊ែរ ដែលជាការហាត់សមវាយប្រហារប្រទេសកូរ៉េខាងត្បូង។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហាត់សមនេះ ត្រូវបានគេមើលឃើញថា​ ជាការឆ្លើយតបទៅនឹងអ្វីដែលទីក្រុងព្យុងយ៉ាង ហៅថាជា “សមយុទ្ធសង្គ្រាមផ្សងព្រេងដ៏គឃ្លើន” របស់អាមេរិកនិងកូរ៉េខាងត្បូង។

ទីភ្នាក់ងារខាងលើ បានរាយការណ៍ដោយដកស្រង់សេចក្តីថ្លែងការណ៍របស់អគ្គសេនាធិការរបស់កងទ័ពប្រជាជនកូរ៉េខាងជើង (KPA) ថា KPA បានរៀបចំសមយុទ្ធបាញ់នុយក្លេអ៊ែរយុទ្ធសាស្ត្រ ក្លែងធ្វើជាការវាយប្រហារនៅមជ្ឈមណ្ឌលបញ្ជាការសំខាន់ៗ និងវាលយន្តហោះ។

សេចក្តីថ្លែងការណ៍បន្ថែមថា “អង្គភាពប្រដាប់អាវុធនុយក្លេអ៊ែរយុទ្ធសាស្ត្ររបស់ KPA បានបាញ់មីស៊ីលផ្លោងចំនួនពីរគ្រាប់ និងអនុវត្តបានយ៉ាងត្រឹមត្រូវ នូវបេសកកម្មវាយប្រហារនុយក្លេអ៊ែររបស់ខ្លួនតាមរយៈការបំផ្ទុះលើអាកាសនៅរយៈកម្ពស់៤០០ម៉ែត្រ ខាងលើកោះជាគោលដៅ”។

(រូបថត៖ រដ្ឋាភិបាលកូរ៉េខាងជើង)

KPA និយាយថា សមយុទ្ធនុយក្លេអ៊ែររបស់ទីក្រុងព្យុងយ៉ាង គឺមានបំណងផ្ញើសារចំៗទៅកាន់សត្រូវ ហើយធ្វើឲ្យពួកគេដឹងយ៉ាងច្បាស់ម្តងទៀតនូវឆន្ទៈដាក់ទណ្ឌកម្មដ៏ម៉ឺងម៉ាត់របស់កូរ៉េខាងជើង និងសមត្ថភាពសងសឹកដ៏ខ្លាំងក្លា។

កូរ៉េខាងជើង ​បាន​ចោទប្រកាន់​អាមេរិក​និង​កូរ៉េខាងត្បូង ​ម្តងហើយ​ម្តងទៀត​ថា ​បាន​ប្រើ​សមយុទ្ធ​រួមគ្នា​ដើម្បី​អនុវត្ត​​ការវាយប្រហារ​នុយក្លេអ៊ែរ​ឬ​ការ​ឈ្លានពាន។

លើសពីនេះ រដ្ឋមន្ត្រីការពារជាតិរបស់ទីក្រុងព្យុងយ៉ាង លោកឧត្តមសេនីយ៍ Kang Sun-nam បានព្រមានកាលពីដើមខែសីហាថា សង្គ្រាមនុយក្លេអ៊ែរនៅឧបទ្វីបកូរ៉េ នឹងផ្ទុះឡើង បើសហរដ្ឋអាមេរិក មិនបោះបង់ចោលអាកប្បកិរិយាអរិភាពរបស់ខ្លួន៕

ប្រែសម្រួល៖ Vann Vann

ប្រភព៖ RT

ចុចអាន៖ គីម ជុងអ៊ុន-ពូទីន ប្តេជ្ញាបង្កើនកិច្ចសហប្រតិបត្តិការ ខណៈអាមេរិក បារម្ភថា កូរ៉េខាងជើង កំពុងផ្តល់អាវុធឲ្យរុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ១២ នាទី មុន

តើ សីលធម៌ ក្នុងសង្គមខ្មែរ កើតឡើងដោយរបៀបណា?

ព័ត៌មានជាតិ១៨ នាទី មុន

រដ្ឋបាលខេត្តសៀមរាប បើកយុទ្ធនាការតេស្តរក សារធាតុញៀនលើមន្ត្រីរាជការរបស់ខ្លួន

ព័ត៌មានជាតិ២៦ នាទី មុន

អ្នកជំនាញអន្តរជាតិ ចែករំលែកបទពិសោធដល់អង្គភាពប្រឆាំងអំពើពុករលួយ លើការគ្រប់គ្រងទំនាស់ផលប្រយោជន៍

ជីវិតកម្សាន្ដ២៨ នាទី មុន

នាដការី សុខគា គឹមលាង មោទនភាពកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ

ព័ត៌មានជាតិ៣១ នាទី មុន

ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន ផ្លាស់ប្ដូរ អនុស្សរណៈយោគយល់គ្នាជាមួយ វិទ្យាស្ថានពហុបច្ចេកទេសកម្ពុជា និងបើកវគ្គបណ្ដុះបណ្ដាលការងារកំបោរក្នុងវិស័យសំណង់

Sokha Hotels

ព័ត៌មានពេញនិយម