ព័ត៌មានអន្ដរជាតិ

ស៊ែប៊ី ថា ជម្លោះនៅ អ៊ុយក្រែន គឺជាសង្រ្គាមលោកដែលបស្ចិមប្រទេស កំពុងប្រយុទ្ធនឹង រុស្ស៊ី

បានផុស

៤ years មុន

នៅ

ថ្ងៃព្រហស្បតិ៍ ១៤ កក្កដា ២០២២

ដោយ

ប្រធានាធិបតីស៊ែប៊ី លោក Aleksandar Vucic បាននិយាយកាលពីថ្ងៃពុធទី១៣ខែកក្កដាថា ជម្លោះនៅអ៊ុយក្រែន គឺជាសង្គ្រាមលោក ដែលបស្ចិមប្រទេស កំពុងប្រយុទ្ធជាមួយរុស្ស៊ី តាមរយៈទាហានអ៊ុយក្រែន។

លោកបាននិយាយនៅក្នុងបទសម្ភាសន៍ជាមួយទូរទស្សន៍ Pink ថា “យើងគួរតែយល់ថា ចំពេលមានសង្រ្គាមពិភពលោក កិច្ចពិភាក្សាទាំងអស់មិនថាជាតំបន់ ឬសង្រ្គាមក្នុងតំបន់ទេ គឺត្រូវបានគេទម្លាក់ចោល។ លោកខាងលិចទាំងមូល កំពុងប្រយុទ្ធប្រឆាំងនឹងរុស្ស៊ីតាមរយៈអ៊ុយក្រែន”។

បើតាមសម្តីមេដឹកនាំស៊ែប៊ីរូបនេះ, ស្ថានភាពនៅអ៊ុយក្រែន ក៏កំពុងប្រាប់អំពីស្ថានភាពនៅតំបន់បាល់កង់ផងដែរ។ យ៉ាងណាក៏ដោយ លោកបានប្ដេជ្ញាថា ប្រទេសស៊ែប៊ីនឹងខិតខំប្រឹងប្រែងដើម្បីរក្សាសន្តិភាពក្នុងតំបន់។

គួរបញ្ជាក់ជាថ្មីថា កាលពីថ្ងៃទី២៤ ខែកុម្ភៈ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសប្រតិបត្តិការយោធាពិសេសមួយ ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass។

លោកបានសង្កត់ធ្ងន់ថា ទីក្រុងមូស្គូមិនមានផែនការកាន់កាប់ទឹកដីអ៊ុយក្រែនទេ ប៉ុន្តែមានគោលបំណងធ្វើឲ្យគ្មានយោធា និងលុបបំបាត់លទ្ធិណាស៊ីនិយមក្នុងប្រទេសនេះ។ ក្រោយមក បណ្តាប្រទេសលោកខាងលិច បានដាក់ទណ្ឌកម្មយ៉ាងតឹងរ៉ឹងប្រឆាំងនឹងរុស្ស៊ី៕

ប្រែសម្រួល៖ Vann Vann

ប្រភព៖ TASS

ចុចអាន៖ លីទុយអានី ប្រកាសអនុញ្ញាតឲ្យទំនិញជាប់ទណ្ឌកម្មរបស់រុស្ស៊ី ឆ្លងកាត់ទៅតំបន់ Kaliningrad

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត