អតីតនាយករដ្ឋមន្ត្រី អង់គ្លេស ថា ការគ្រប់គ្រងរបស់ លោកខាងលិច កំពុងឈានដល់ទីបញ្ចប់

អតីតនាយករដ្ឋមន្ត្រីអង់គ្លេសលោក Tony Blair បានថ្លែងនៅក្នុងសុន្ទរកថាប្រចាំឆ្នាំរបស់លោកនៅឯមូលនិធិ Ditchley ថា ដោយសារឥទ្ធិពលនៃជំងឺរាតត្បាតកូវីដ ១៩ និងជម្លោះនៅក្នុងប្រទេសអ៊ុយក្រែន ធ្វើឲ្យប្រជាជនមួយផ្នែកធំរបស់លោកខាងលិចកំពុងរស់នៅក្នុងជីវភាពនឹងទ្រឹង ។

លោក Tony Blair សង្កត់ធ្ងន់ថា “​ការ​គ្រប់​គ្រង​ផ្នែក​នយោបាយ និង​សេដ្ឋកិច្ច​របស់​លោក​ខាង​លិចកំពុងឈានដល់ទីបញ្ចប់ ហើយពិភពលោកនឹងមានយ៉ាងហោចណាស់ ២ ប៉ូល ហើយអាចនឹងមានដល់ពហុប៉ូលក៏ថាបាន” ។

លោក Tony Blair បាននិយាយថា “នយោបាយលោកខាងលិចកំពុងស្ថិតក្នុងភាពចលាចល បក្សពួកនិយម មិនមានផលិតភាព ជាពិសេសប្រព័ន្ធផ្សព្វផ្សាយសង្គមកំពុងប៉ះពាល់អាក្រក់ទៅៗដល់ទាំងកិច្ចការក្នុងស្រុក និងអន្តរជាតិ ។

លោកបានបញ្ជាក់ថា ចំណែកប្រតិបត្តិការយោធារបស់រុស្ស៊ីនៅអ៊ុយក្រែនវិញ គួរតែក្លាយជាចំណុចស្នូលដែលធ្វើឲ្យលោកខាងលិចដឹងខ្លួនឡើងវិញ ។

ទោះយ៉ាងណាក៏ដោយ យោងតាមបុរសវ័យ ៦៩ ឆ្នាំដែលបានដឹកនាំរដ្ឋាភិបាលចក្រភពអង់គ្លេសពីឆ្នាំ ១៩៩៧ ដល់ឆ្នាំ ២០០៧ បានឲ្យដឹងទៀតថា ការផ្លាស់ប្តូរភូមិសាស្ត្រនយោបាយដ៏ធំបំផុតនៃសតវត្សនេះនឹងមកពីប្រទេសចិនមិនមែនរុស្ស៊ីនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ សង្គ្រាមនៅ អ៊ុយក្រែន នឹងចប់ឆាប់ៗ បើ អង់គ្លេស គិតថា គ្មានលទ្ធភាពឈ្នះ រុស្ស៊ី

ចុចអាន ៖ ការផ្ដល់ឋានៈបេក្ខភាព អឺរ៉ុប ដល់ អ៊ុយក្រែន ជាចំណែក “ជម្លោះភូមិសាស្ត្រ នយោបាយ” ប្រឆាំង រុស្ស៊ី