ព័ត៌មានអន្ដរជាតិ
អង់គ្លេស-បារាំង-កាណាដា ព្រមានចាត់វិធានការខ្លាំងលើអ៊ីស្រាអែល បើមិនបញ្ឈប់គម្រោងកាន់កាប់ហ្គាហ្សា
ចក្រភពអង់គ្លេស បារាំង និងកាណាដា កាលពីថ្ងៃទី១៩ខែឧសភាបានចេញសេចក្តីថ្លែងការណ៍រួមមួយព្រមានអ៊ីស្រាអែលអំពី«វិធានការតឹងរឹងបន្ថែមទៀត» រួមទាំងការដាក់ទណ្ឌកម្មផងដែរ បើអ៊ីស្រាអែលមិនបញ្ឈប់ការវាយលុករបស់ខ្លួននៅតំបន់ហ្គាហ្សា និងការរឹតបន្តឹងលើជំនួយមនុស្សធម៌។
លោក Keir Starmer នាយករដ្ឋមន្ត្រីអង់គ្លេស, លោក Emmanuel Macron ប្រធានាធិបតីបារាំង និងលោក Mark Carney នាយករដ្ឋមន្ត្រីកាណាដា បានថ្កោលទោសសកម្មភាពរបស់អ៊ីស្រាអែលថាជាសកម្មភាពហួសហេតុ ហើយបានទាមទារឲ្យបញ្ចប់ជាបន្ទាន់ចំពោះប្រតិបត្តិការយោធាជាថ្មី និងការរឹតបន្តឹងលើជំនួយ។ ពួកគេបានសង្កត់ធ្ងន់ថា ជំនួយមានកម្រិតដែលអនុញ្ញាតឲ្យចូលទៅក្នុងហ្គាហ្សាគឺមិនគ្រប់គ្រាន់ ចំពេលមានការព្រមានអំពីគ្រោះទុរ្ភិក្សដែលជិតមកដល់។
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានប្រកាសផែនការគ្រប់គ្រងទាំងស្រុងលើតំបន់ហ្គាហ្សាស្ទ្រីប ហើយទន្ទឹមគ្នានេះដែរ លោកក៏បានអនុញ្ញាតឲ្យមានការបើកជំនួយចូលហ្គាហ្សាឡើងវិញ តែនៅក្នុងចំនួនមានកម្រិតប៉ុណ្ណោះ។ សហគមន៍អន្តរជាតិ រួមទាំងអង់គ្លេស បារាំង និងកាណាដា បានរិះគន់វិធានការទាំងនេះថាមិនគ្រប់គ្រាន់ និងរំលោភលើច្បាប់មនុស្សធម៌អន្តរជាតិ។
មេដឹកនាំទាំងបី បានលើកឡើងរួមគ្នាថា «យើងនឹងមិនគាំទ្រខណៈរដ្ឋាភិបាលលោក ណេតាន់យ៉ាហ៊ូ នៅតែបន្តសកម្មភាពដ៏ឃោរឃៅទាំងនេះទេ។ បើអ៊ីស្រាអែលមិនបញ្ឈប់ការវាយលុកយោធាជាថ្មី ហើយដកការរឹតបន្តឹងលើជំនួយមនុស្សធម៌ យើងនឹងចាត់វិធានការដ៏ខ្លាំងក្លាបន្ថែមទៀតជាការឆ្លើយតប»។
កាលពីថ្ងៃចន្ទ ឡានដឹកទំនិញដឹកជំនួយរបស់អង្គការសហប្រជាជាតិចំនួន៩គ្រឿង ត្រូវបានអាជ្ញាធរអ៊ីស្រាអែលអនុញ្ញាតឲ្យចូលទៅកាន់តំបន់ហ្គាហ្សា ជាកន្លែងដែលអង្គការអន្តរជាតិបានព្រមានថានឹងមានទុរ្ភិក្សកើតឡើង។ វាជាលើកដំបូងក្នុងរយៈពេល១១សប្តាហ៍បន្ទាប់ពីការផ្គត់ផ្គង់ជំនួយត្រូវបានបិទទាំងស្រុងដោយអ៊ីស្រាអែល។
សូមជម្រាបថា ក្រោយកេណ្ឌទ័ពបម្រុងជាច្រើនថ្ងៃ យោធាអ៊ីស្រាអែលបានប្រកាសកាលពីថ្ងៃអាទិត្យអំពីការលុកលុយលើសមរភូមិផ្លូវគោកដ៏សំខាន់មួយចូលទៅក្នុងតំបន់ជាច្រើននៅហ្គាហ្សា ខណៈចំនួនប្រជាជនប៉ាឡេស្ទីនស្លាប់បន្តកើនឡើង។
យោធាអ៊ីស្រាអែលបានឲ្យដឹងថា កងកម្លាំងថ្មើរជើង រួមទាំងក្រុមទាហានបម្រុង បានចាប់ផ្តើមប្រតិបត្តិការយ៉ាងទូលំទូលាយ ទាំងភាគខាងជើង និងភាគខាងត្បូងនៃតំបន់ហ្គាហ្សា ដោយប្រើរថពាសដែក។ យុទ្ធនាការនេះគឺជាដំណាក់កាលថ្មីមួយនៅក្នុងសង្គ្រាមរយៈពេល២០ខែរបស់អ៊ីស្រាអែលប្រឆាំងនឹងក្រុមហាម៉ាស។
អាជ្ញាធរសុខាភិបាលក្នុងតំបន់ហ្គាហ្សា បានបញ្ជាក់ថា ចំនួនអ្នកស្លាប់ជាជនជាតិប៉ាឡេស្ទីន ពីការវាយលុករបស់អ៊ីស្រាអែល ចាប់តាំងពីខែតុលាឆ្នាំ២០២៣ បានកើនឡើងដល់ ៥៣ ៣៣៩នាក់ និងរបួសចំនួន ១២១ ០៤៣នាក់ ដោយអ្នករងគ្រោះភាគច្រើនជាស្ត្រី និងកុមារ។ ចំណែកតួលេខអ្នកស្លាប់ចាប់តាំងពីការកើតឡើងជាថ្មីនៃអរិភាពរបស់អ៊ីស្រាអែលនៅថ្ងៃទី១៨ខែមីនា បន្ទាប់ពីបទឈប់បាញ់រយៈពេលពីរខែដួលរលំ បានកើនឡើងដល់ ៣ ១៩៣ នាក់ និង ៨ ៩៩៣នាក់ផ្សេងទៀតបានរងរបួស៕
ដោយ៖ ឈាង
ចុចអាន៖ អ៊ីស្រាអែលបើកការវាយប្រហារថ្មើរជើងនៅទូទាំងតំបន់ហ្គាហ្សា ក្រោយកេណ្ឌទ័ពរួច
អង់គ្លេស-បារាំង-កាណាដា ព្រមានចាត់វិធានការខ្លាំងលើអ៊ីស្រាអែល បើមិនបញ្ឈប់គម្រោងកាន់កាប់ហ្គាហ្សា
សម្ដេចធិបតី៖ កុំធ្វើប្រសិនជាការអភិវឌ្ឍណាបំផ្លាញនូវផលប្រយោជន៍ និងជីវភាពរស់នៅរបស់សហគមន៍
IDP រៀបចំពិព័រណ៍សិក្សានៅអាមេរិក និងកាណាដា ជួយសិស្សនិស្សិតសម្រេចបំណងបន្តការសិក្សានៅបរទេស
ថៃទម្លាក់ការព្យាករកំណើនសេដ្ឋកិច្ចទាបបំផុតត្រឹម ១,៣%
អតីតឧបនាយករដ្ឋមន្ត្រីថៃ ប្រាវីត វង្សសុវណ្ណ រអិលជើងធ្លាក់ពីកាំជណ្តើរនៅក្នុងវត្ត
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
តារាចម្រៀង ឱក សុគន្ធកញ្ញា ក្លាយជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីលើកកម្ពស់ការអប់រំយុវជន
ត្រី Oarfish បង្ហាញវត្តមាននៅវៀតណាម តើជាប្រផ្នូលអាក្រក់ឬយ៉ាងណា?
-
ចរាចរណ៍៣ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម១៩ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៥ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៥ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៦ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ២ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៤ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក