ព័ត៌មានអន្ដរជាតិ
គ្រូពេទ្យឥណ្ឌា ប្រើសឺរ៉ាំងតែមួយ ចាក់វ៉ាក់សាំងបង្ការកូវីដ ដល់ក្មេងៗសិស្សសាលា ៣០នាក់
គ្រូពេទ្យម្នាក់ កំពុងត្រូវបានស៊ើបអង្កេត សម្រាប់ការចាក់វ៉ាក់សាំងដល់សិស្សចំនួន៣០នាក់ ដោយប្រើសឺរ៉ាំងតែមួយ នៅក្នុងរដ្ឋ Madhya Pradesh ភាគកណ្តាលប្រទេសឥណ្ឌា។
រឿងនេះ កើតឡើងក្នុងសាលារៀនមួយ នៅស្រុក Sagar ជាកន្លែងដែលកុមារត្រូវបានចាក់វ៉ាក់សាំងបង្ការជំងឺកូវីដ១៩។
លោក Jitendra Rai ដែលកំពុងចាក់វ៉ាក់សាំងដល់កុមារ បានប្រាប់ប្រព័ន្ធផ្សព្វផ្សាយថា គាត់ត្រូវបានមន្ទីរសុខាភិបាល ផ្តល់សឺរ៉ាំងឲ្យតែមួយគត់ ហើយគាត់គ្រាន់តែធ្វើតាមបញ្ជាប៉ុណ្ណោះ។
ឪពុកម្តាយដែលនាំកូនមកចាក់វ៉ាក់សាំង បានដឹងអំពីបញ្ហានេះ ហើយក៏បានរាយការណ៍ទៅអាជ្ញាធរ។ នៅពេលមន្ត្រីរដ្ឋទៅដល់សាលា លោក Rai បានបាត់ខ្លួន ហើយបានបិទទូរស័ព្ទ។
ទោះបីជាយ៉ាងណាក៏ដោយ នាយកដ្ឋានសុខាភិបាលរបស់រដ្ឋ បានចាប់ខ្លួនគាត់ ហើយចាប់ផ្តើមការស៊ើបអង្កេតប្រឆាំងនឹងមន្ត្រី ដែលទទួលខុសត្រូវក្នុងការផ្គត់ផ្គង់ឧបករណ៍សម្រាប់ចាក់វ៉ាក់សាំង។
គួរបញ្ជាក់ថា គិតត្រឹមពេលនេះ ប្រទេសឥណ្ឌា បានចាក់វ៉ាក់សាំងបង្ការជំងឺកូវីដ១៩ ដល់ប្រជាជនជាង ២.០៣ពាន់លាននាក់ហើយ។
សឺរ៉ាំង ចាក់ហើយបោះចោល ត្រូវបានប្រើប្រាស់យ៉ាងទូលំទូលាយនៅក្នុងប្រទេសឥណ្ឌា ដើម្បីបញ្ចៀសការរីករាលដាលនៃជំងឺដ៏សាហាវនានា ដូចជាមេរោគអេដស៍ជាដើម។ យ៉ាងណាក្តី មានឧប្បត្តិហេតុជាច្រើននាពេលកន្លងមក ដែលសឺរ៉ាំងតែមួយ ត្រូវបានប្រើប្រាស់ឡើងវិញនៅក្នុងមន្ទីរពេទ្យ ដោយសារតែកង្វះខាតឧបករណ៍៕
ប្រែសម្រួល៖ Vann Vann
ប្រភព៖ BBC
ចុចអាន៖ ពុលស្រានៅឥណ្ឌា ស្លាប់មនុស្ស ៣៨នាក់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល