Connect with us

ព័ត៌មានអន្ដរជាតិ

ជំនួបតាមទូរស័ព្ទជាង២ម៉ោង មេដឹកនាំ អាមេរិក និង ចិន ព្រមានខ្លាំងៗ ដាក់គ្នាទៅវិញទៅមក (មានវីដេអូ)

បានផុស

នៅ

មេដឹកនាំ​អាមេរិក និង​ចិន ​បាន​ព្រមានដាក់​គ្នា​ទៅ​វិញ​ទៅ​មក ​ជុំវិញ​បញ្ហាកោះ​តៃវ៉ាន់ ​ក្នុង​អំឡុង​ពេល​ការហៅ​ទូរស័ព្ទ​ ​រយៈពេល​ជាង​ពីរ​ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតី Joe Biden បានប្រាប់សមភាគីចិនលោក Xi Jinping ថា សហរដ្ឋអាមេរិកសូមប្រឆាំងយ៉ាងដាច់អហង្ការ ចំពោះសកម្មភាពឯកតោភាគីណាមួយ ដើម្បីផ្លាស់ប្តូរឋានៈរបស់កោះតៃវ៉ាន់។ ប៉ុន្តែ​លោក​បាន​បន្ថែម​ថា គោល​នយោបាយ​របស់​សហរដ្ឋ​អាមេរិក​លើ​កោះ​នេះ ​មិន​បាន​ផ្លាស់​ប្តូរ​ទេ។

ចំណែកទីក្រុងប៉េកាំងនិយាយថា លោក Xi បានប្រាប់ទៅលោក Biden ឲ្យគោរពតាមគោលការណ៍ចិនតែមួយ ដោយព្រមានថា “អ្នកណាដែលលេងជាមួយភ្លើងនឹងរលាក”។

ប្រធានាធិបតីចិន លោក Xi Jinping

ក្នុងអំឡុងពេលការសន្ទនាតាមទូរស័ព្ទកាលពីថ្ងៃព្រហស្បតិ៍ទី២៨ខែកក្កដា លោក Biden និងលោក Xi ក៏បានពិភាក្សាគ្នាផងដែរ អំពីការរៀបចំកិច្ចប្រជុំទល់មុខគ្នាដែលអាចធ្វើទៅបាន។

សេតវិមាននិយាយថា ក្រៅពីបញ្ហាតៃវ៉ាន់ មេដឹកនាំទាំងពីរបានពិភាក្សាអំពីបញ្ហាជាច្រើនផ្សេងទៀត រួមទាំងការប្រែប្រួលអាកាសធាតុ និងសន្តិសុខសុខភាពជាដើម។

គួរបញ្ជាក់ថា ភាព​តានតឹង​ជុំវិញ​បញ្ហា​កោះតៃវ៉ាន់ ​បាន​កើន​ឡើង​ខ្លាំង ​មុនដំណើរទស្សនកិច្ច​សម្រាប់​ប្រធាន​សភាអាមេរិក​លោកស្រី Nancy Pelosi ទៅ​កោះ​តៃវ៉ាន់។

ក្រសួងការបរទេសអាមេរិកនិយាយថា លោកស្រី Pelosi មិនបានប្រកាសអំពីការធ្វើដំណើរណាមួយទេ ប៉ុន្តែចិនបានព្រមានអំពី “ផលវិបាកធ្ងន់ធ្ងរ” ប្រសិនបើលោកស្រីសម្រេចចិត្តធ្វើទស្សនកិច្ចបែបនេះមែន។

កាលពីសប្តាហ៍មុន លោក Biden បានប្រាប់អ្នកយកព័ត៌មានថា យោធាគិតថា វាមិនមែនជាគំនិតល្អឡើយ ប៉ុន្តែសេតវិមានរបស់លោកបានហៅវោហាសាស្ត្ររបស់ចិន ប្រឆាំងនឹងការធ្វើដំណើរបែបនេះថាជារឿងមិនមានប្រយោជន៍ និងមិនចាំបាច់ទាល់តែសោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក រៀបចំ ផែនការ យោធា ដើម្បីការពារលោកស្រី Pelosi ពេលធ្វើទស្សនកិច្ច តៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ២២ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣៥ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៩ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ១ ម៉ោង មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម