លោក Biden ថ្កោលទោសការគំរាមប្រើអំពើហិង្សាលើ FBI រឿងឆែកឆេរផ្ទះ Trump (មានវីដេអូ)

ប្រធានាធិបតីសហរដ្ឋអាមេរិកលោក Joe Biden បានថ្កោលទោសការគំរាមប្រើហិង្សាប្រឆាំងនឹងភ្នាក់ងារ FBI ដែលបានឆែកឆេរផ្ទះរបស់អតីតប្រធានាធិបតី Donald Trump ហើយលោកក៏បានអំពាវនាវឲ្យផ្តល់មូលនិធិបន្ថែមទៀតដល់ប៉ូលិស ក៏ដូចជាការហាមឃាត់អាវុធវាយប្រហារនៅក្នុងរដ្ឋ Pennsylvania ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Biden បានថ្កោលទោសយ៉ាងដាច់អហង្ការចំពោះមនុស្សដែលបានជេរប្រមាថមន្ត្រីអនុវត្តច្បាប់សហព័ន្ធពាក់ព័ន្ធនឹងការឆែកឆេរដែលមិនធ្លាប់មានពីមុនមកលើផ្ទះរបស់អតីតប្រធានាធិបតីក្នុងរដ្ឋ Florida កាលពីថ្ងៃទី ៨ ខែសីហា ។

លោក Biden បាននិយាយថា “វាជាការឈឺចាប់ខ្លាំងណាស់ ក្រោយឃើញការវាយប្រហារថ្មីលើ FBI ជាពិសេសការគំរាមកំហែងដល់អាយុជីវិតរបស់ភ្នាក់ងារអនុវត្តច្បាប់ និងក្រុមគ្រួសាររបស់ពួកគេសម្រាប់ការអនុវត្តន៍ច្បាប់ និងការងាររបស់ពួកគេ” ។

លោក Biden បញ្ជាក់ថា “ខ្ញុំចង់និយាយឲ្យច្បាស់នូវអ្វីដែលខ្ញុំអាចធ្វើបាន នៅក្នុងប្រទេសនេះ គ្មានកន្លែងណាដែលបង្កគ្រោះថ្នាក់ដល់អាយុជីវិតអ្នកអនុវត្តច្បាប់នោះទេ ។ ខ្ញុំប្រឆាំង និងថ្កោលទោសការការគំរាមប្រើអំពើហិង្សាលើប៉ូលិស និង​សូម​ការពារ​ FBI” ។

គួររំឭកថា កាលពីដើមខែនេះ FBI និងក្រសួងសន្តិសុខមាតុភូមិរបស់សហរដ្ឋអាមេរិកបានព្រមានពីការកើនឡើងនៃការគំរាមកំហែង បន្ទាប់ពីប្រតិបត្តិការឆែកឆេរអចលនទ្រព្យ Mar-a-Lago របស់លោក Trump ក្រោយភ្នាក់ងារបានរកឃើញសំណុំឯកសារសម្ងាត់ចំនួន ១១ ដែលជាផ្នែកមួយនៃការស៊ើបអង្កេតឧក្រិដ្ឋកម្ម ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Yahoo

ចុចអាន ៖ អាមេរិក នៅតែប្ដេជ្ញាចិត្តចំពោះគោលនយោបាយ “ចិនតែមួយ” ក្រោយតៃវ៉ាន់ បាញ់ព្រមានដ្រូនរបស់ ចិន