ពូទីន ប្រាប់មូលហេតុដែលមិននិយាយពី អ៊ុយក្រែន ក្នុងវេទិកាសេដ្ឋកិច្ចបូព៌ា

ប្រធានាធិបតីរុស្ស៊ីលោក វ្ល៉ាឌីមៀរ ពូទីន មិនបានលើកឡើងអំពីប្រទេសអ៊ុយក្រែននោះទេ ក្នុងអំឡុងពេលថ្លែងសុន្ទរកថាពីគន្លឹះរបស់លោកនៅឯកិច្ចប្រជុំពេញអង្គរបស់វេទិកាសេដ្ឋកិច្ចបូព៌ា (EEF) លើកទី ៧ កាលពីថ្ងៃពុធ ។

បន្ទាប់ពីលោក ពូទីន បានបញ្ចប់សុន្ទរកថាបើករបស់លោក មានអ្នកសម្របសម្រួលម្នាក់បានសួរប្រធានាធិបតីរូបនេះថា ហេតុអ្វីបានជាគាត់មិននិយាយសំដៅទៅកាន់ប្រទេសជិតខាងនៅភាគនិរតីរបស់រុស្ស៊ីនៅក្នុងសុន្ទរកថារបស់គាត់ ។

ភ្លាមៗនោះលោក ពូទីន បានឆ្លើយតបថា “តើប្រទេសនេះជាកម្មសិទ្ធិរបស់តំបន់អាស៊ីប៉ាស៊ីហ្វិកដែរឬទេ? តាមគំនិតរបស់ខ្ញុំគឺ “មិនមែនទេ” ។

លោកប្រធានាធិបតីរូបនេះបានបន្ថែមថា “យើងកំពុងពិភាក្សាបញ្ហានៅក្នុងតំបន់នេះជាចម្បង ។ បច្ចុប្បន្នយើងកំពុងស្ថិតនៅតំបន់ Far East របស់រុស្ស៊ី ប៉ុន្តែលោករីករាយក្នុងការឆ្លើយសំណួរអំពីអ៊ុយក្រែន” ។

គួរបញ្ជាក់ថា វេទិកាសេដ្ឋកិច្ចបូព៌ា (EEF) បាន​ចាប់ផ្តើមកាលពីថ្ងៃ​ចន្ទ ទី៥ ខែ​កញ្ញា ហើយនឹងបន្តដល់ថ្ងៃព្រហស្បតិ៍ ទី៨ ខែកញ្ញា ខណៈប្រធានបទនៃវេទិកាឆ្នាំនេះគឺ “ផ្លូវទៅកាន់ពិភពលោកពហុប៉ូល” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចំណុចសំខាន់ៗដែលលោក ពូទីន ថ្លែងក្នុងវេទិកាសេដ្ឋកិច្ចបូព៌ា