ព័ត៌មានអន្ដរជាតិ
ដឹងទេ មានសត្វស្រមោច ប៉ុន្មានក្បាល រស់នៅលើផែនដីនេះ?
ចំនួនប្រជាជនពិភពលោកត្រូវបានគេព្យាករណ៍ថានឹងលើសពី ៨ ពាន់លាននៅក្នុងប៉ុន្មានខែខាងមុខនេះ។ បើប្រៀបធៀបជាមួយស្រមោច គឺខុសគ្នាឆ្ងាយណាស់។
ក្រុមអ្នកស្រាវជ្រាវ បានធ្វើការវាយតម្លៃយ៉ាងហ្មត់ចត់បំផុតអំពីចំនួនសត្វស្រមោចលើពិភពលោក ហើយចំនួនដែលគេប៉ាន់ប្រមាណគឺ ២០ ០០០ ០០០ ០០០ ០០០ ០០០ ក្បាលឬប្រហែល ២.៥ លានក្បាលក្នុងមនុស្សម្នាក់។
អ្នកជំនាញបាណកសាស្ដ្រលោក Patrick Schultheiss មកពីសាកលវិទ្យាល័យ Würzburg ក្នុងប្រទេសអាល្លឺម៉ង់ ដែលជាសហអ្នកនិពន្ធនៃការសិក្សាដែលបោះពុម្ពផ្សាយនៅសប្តាហ៍នេះក្នុងទស្សនាវដ្ដី Proceedings of the National Academy of Sciences បាននិយាយថា “ស្រមោចពិតជាដើរតួយ៉ាងសំខាន់នៅក្នុងប្រព័ន្ធអេកូឡូស៊ីលើដី ស្ទើរតែទាំងអស់”។
លោក Schultheiss និយាយថា “ពួកវាមានសារសំខាន់ខ្លាំងណាស់ សម្រាប់វដ្តអាហារូបត្ថម្ភ ដំណើរការរលួយ ការបែកខ្ញែកនៃគ្រាប់ពូជរុក្ខជាតិ និងការរំខានដល់ដី។ ស្រមោចក៏ជាក្រុមសត្វល្អិតដ៏សម្បូរបែបផងដែរ ដោយមានប្រភេទផ្សេងៗគ្នា បំពេញមុខងារយ៉ាងទូលំទូលាយ”។
ការវិភាគរបស់ក្រុមអ្នកស្រាវជ្រាវ គឺផ្អែកទៅលើការសិក្សាចំនួន៤៨៩ នៃចំនួនសត្វស្រមោចដែលលាតសន្ធឹងគ្រប់ទ្វីបដែលមានសត្វល្អិតរស់នៅ។
មានស្រមោចជាង ១២ ០០០ប្រភេទដែលគេស្គាល់ ជាទូទៅមានពណ៌ខ្មៅ ពណ៌ត្នោត ឬពណ៌ក្រហម។ ដោយមានប្រវែងចាប់ពីប្រហែល ១មិល្លីម៉ែត្រ ដល់ប្រហែល ៣សង់ទីម៉ែត្រ, ស្រមោចជាធម្មតារស់នៅលើដី ស្លឹកឈើ ឬរុក្ខជាតិដែលរលួយ ហើយជួនកាលនៅក្នុងផ្ទះបាយរបស់មនុស្ស។
សត្វស្រមោច មានស្ទើរតែគ្រប់ទីកន្លែងនៅលើផែនដី លើកលែងតែទ្វីបអង់តាក់ទិក តំបន់ហ្គ្រីនឡែន អ៊ីស្លង់ និងប្រទេសកោះមួយចំនួនប៉ុណ្ណោះ។
តំបន់ត្រូពិក ត្រូវបានគេរកឃើញថាមានសត្វស្រមោចច្រើនជាងតំបន់ផ្សេងទៀត ហើយព្រៃឈើ និងដីស្ងួត គឺជាជម្រកស្រមោចច្រើនជាងតំបន់ទីក្រុង៕
ប្រែសម្រួល៖ Vann Vann
ប្រភព៖ The Guardian
ចុចអាន៖ មិនស្រួលទេ! ដើម្បីក្លាយជាបុរសពេញលក្ខណៈ កុលសម្ព័ន្ធនៅព្រៃ Amazon ត្រូវឆ្លងកាត់ភាពឈឺចាប់ ឲ្យស្រមោចខាំ
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ