ព័ត៌មានអន្ដរជាតិ
Zelensky ប្រាប់អតីតប្រធានាធិបតី អាមេរិក ពីអ្វីដែលក្រុងវ៉ាស៊ីនតោន អាចជួយដល់ អ៊ុយក្រែន
ប្រធានាធិបតីអ៊ុយក្រែនលោក Volodymyr Zelensky បានជំរុញឲ្យអាមេរិកចុះហត្ថលេខាលើការធានាសន្តិសុខដល់អ៊ុយក្រែន ដើម្បីឲ្យទីក្រុងកៀវស្វែងរកការទទួលបានអ្វីបន្ថែមទៀតពីបរទេសឲ្យបានច្រើនតាមដែលអាចធ្វើទៅបាន ។
លោក Zelensky បានរៀបរាប់ប្រាប់អតីតប្រធានាធិបតីអាមេរិកលោក Bill Clinton អំពីរបៀបដែលសហរដ្ឋអាមេរិកអាចជួយប្រទេសរបស់លោក ចំពេលមានជម្លោះជាមួយរុស្ស៊ី ជាពិសេសអ៊ុយក្រែនចង់ឲ្យក្រុងវ៉ាស៊ីនតោន ចាត់ទុកក្រុងមូស្គូជារដ្ឋឧបត្ថម្ភភេរវកម្ម ។
ថ្លែងនៅក្នុងការជួបជុំមួយដែលរៀបចំដោយមូលនិធិ Clinton, លោក Zelensky បាននិយាយថា “សម្រាប់ពិភពលោកស៊ីវិល័យទាំងមូល សហរដ្ឋអាមេរិកគឺជាសញ្ញានៃលទ្ធិប្រជាធិបតេយ្យ ។ ពេលអ្នកឲ្យកាំភ្លើងធំដល់យើង ជាតិផ្សេងក៏ឲ្យកាំភ្លើងធំដែរ ដូច្នេះប្រសិនបើសហរដ្ឋអាមេរិក ចាត់ទុករុស្ស៊ីជាអ្នកឧបត្ថម្ភរដ្ឋនៃអំពើភេរវកម្ម នោះប្រទេសផ្សេងទៀតនឹងធ្វើតាមដូចគ្នាដែរ” ។
ទន្ទឹមនោះប្រធានាធិបតីអ៊ុយក្រែនបានសរសើរក្រុងវ៉ាស៊ីនតោនសម្រាប់តួនាទីរបស់ខ្លួនជាគំរូសម្រាប់ប្រទេសដែលមានគំនិតដូចគ្នាផ្សេងទៀត ហើយបានស្នើឲ្យរដ្ឋាភិបាលសហរដ្ឋអាមេរិកបង្ហាញភាពជាអ្នកដឹកនាំក្នុងការផ្តល់ឲ្យអ៊ុយក្រែននូវសព្វាវុធ ថវិកា និងរបស់ផ្សេងទៀតដែលខ្លួនត្រូវការ ។
លោក Zelensky បានប្រាប់ការជួបជុំនោះថា “ខ្ញុំចង់ឃើញសហរដ្ឋអាមេរិកជាប្រទេសដំបូងគេក្នុងពិភពលោកដែលបានចុះហត្ថលេខាលើឯកសារទាំងនោះលើការធានាសន្តិសុខជាមួយអ៊ុយក្រែន” ។ ភ្លាមៗនោះលោក Clinton បានឆ្លើយតបវិញថា លោកសន្យាថានឹងស្វែងរកវិធីដែលគាត់អាចជួយអ៊ុយក្រែនជាមួយនឹងអ្វីៗដូចជា ជំនួយមនុស្សធម៌ និងការកសាងប្រទេសឡើងវិញជាដើម” ។
គួរបញ្ជាក់ថា មូលនិធិ Clinton បានចូលរួមចំណែកជាច្រើនឆ្នាំមកហើយក្នុងកិច្ចខិតខំប្រឹងប្រែងកសាងឡើងវិញនៅក្នុងផ្នែកជាច្រើននៃពិភពលោកដែលរងគ្រោះដោយគ្រោះមហន្តរាយផ្សេងៗ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ លោកខាងលិច ប្រឹងដាក់ទណ្ឌកម្មប្រឆាំង រុស្ស៊ី ឯអ្នកប៉ះពាល់គឺ អឺរ៉ុប
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ