Connect with us

ព័ត៌មានអន្ដរជាតិ

ព្យុះមួយទៀត នឹងវាយប្រហារប្រទេសជប៉ុន ចាប់ពីយប់នេះទៅ

បានផុស

នៅ

មន្ត្រី​ឧតុនិយម​ជប៉ុន​និយាយ​ថា ព្យុះ​ត្រូពិកមួយ ​បាន​កកើត​នៅលើ​សមុទ្រ ​នៃ​ប្រទេស​ជប៉ុន។

យោងតាមទីភ្នាក់ងារឧតុនិយម, ព្យុះត្រូពិក Talas គឺស្ថិតនៅចម្ងាយប្រហែល ៣០០ គីឡូម៉ែត្រពីខេត្ត Kochi ភាគខាងលិចប្រទេសជប៉ុន នៅម៉ោង៩ព្រឹក ថ្ងៃសុក្រទី២៣ខែកញ្ញា។

ព្យុះនេះ ​កំពុង​បក់​បោក​ក្នុង​ល្បឿន​ប្រហែល ៦៥ គីឡូម៉ែត្រ​ក្នុង​មួយ​ម៉ោង នៅ​ជិត​ចំណុច​កណ្តាល​របស់​វា ហើយមានខ្យល់កន្ត្រាក់ក្នុងល្បឿនរហូត​ដល់​ទៅ ៩០ គីឡូម៉ែត្រ​ក្នុង​មួយ​ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះនេះត្រូវបានគេរំពឹងថា នឹងធ្វើដំណើរទៅប្រទេសជប៉ុនភាគខាងលិច និងខាងកើត តាមបណ្តោយឆ្នេរសមុទ្រប៉ាស៊ីហ្វិកចាប់ពីយប់ថ្ងៃសុក្រនេះដល់ថ្ងៃសៅរ៍។

តាមការព្យាករ ព្យុះ Talas នឹងនាំមកនូវភ្លៀងធ្លាក់ខ្លាំងជាមួយនឹងរន្ទះ ទៅកាន់តំបន់ Tokai, Kinki និង Kanto-Koshin រហូតដល់ថ្ងៃអាទិត្យ។ ភ្លៀងធ្លាក់ខ្លាំងអាចឈានដល់ជាង ៥០ មិល្លីម៉ែត្រក្នុងមួយម៉ោង។

បរិមាណទឹកភ្លៀងក្នុងរយៈពេល ២៤ ម៉ោង ត្រូវបានគេព្យាករថា នឹងមានរហូតដល់ ២០០មិល្លីម៉ែត្រនៅតំបន់ Kinki និង Tokai និងរហូតដល់ ១២០មិល្លីម៉ែត្រនៅ Kanto-Koshin។

ស្របពេលជាមួយគ្នានោះដែរ មន្ត្រីទីភ្នាក់ងារ បានជំរុញឲ្យប្រជាជននៅចំផ្លូវរបស់ព្យុះ ត្រូវប្រុងប្រយ័ត្នចំពោះការរអិលបាក់ដី ទឹកទន្លេឡើងខ្លាំង និងការជន់លិចនៅតាមតំបន់ទំនាប ក៏ដូចជារន្ទះ និងខ្យល់កន្ត្រាក់៕

ប្រែសម្រួល៖ Vann Vann

ប្រភព៖ NHK

ចុចអាន៖ ព្យុះកំណាច Nanmadol ចាប់ផ្តើមឆក់យកជីវិតមនុស្សហើយ នៅ ជប៉ុន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម