កុមារ ១៧នាក់ ស្ថិតក្នុងចំណោមអ្នកស្លាប់ នៅ ឥណ្ឌូណេស៊ី

ក្រុមមន្ត្រីបាននិយាយថា កុមារចំនួន១៧នាក់ ស្ថិតក្នុងចំណោមមនុស្សយ៉ាងតិច ១២៥នាក់ដែលត្រូវបានសម្លាប់ ក្នុងការរត់ជាន់គ្នា ក្នុងកីឡដ្ឋានបាល់ទាត់នៅប្រទេសឥណ្ឌូណេស៊ី កាលពីចុងសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អស់រយៈពេលជាយូរមកហើយ អំពើហិង្សា តែងតែកើតឡើងអំឡុងការប្រកួតកីឡាបាល់ទាត់នៅប្រទេសឥណ្ឌូណេស៊ី ជាពិសេសក្នុងរដ្ឋធានី ហ្សាការតា តែម្តង ប៉ុន្តែគ្រោះមហន្តរាយកាលពីថ្ងៃសៅរ៍ទី២ខែតុលា នៅក្នុងទីក្រុងតូចមួយលើកោះជ្វា បានបង្កឲ្យមានការចាប់អារម្មណ៍កាន់តែខ្លាំង។

បើយោងតាមតួលេខពីក្រសួងអំណាចនារី និងការពារកុមារបានឲ្យដឹងថា កុមារចំនួន៧នាក់ក៏រងរបួសផងដែរ ហើយចំនួនអ្នកស្លាប់ អាចនឹងកើនឡើងបន្ថែមទៀត។

គួរបញ្ជាក់ជាថ្មី ការរត់ជាន់គ្នាកាលពីថ្ងៃសៅរ៍បានកើតឡើង ខណៈអ្នកទស្សនាដែលភ័យស្លន់ស្លោ បានព្យាយាមរត់ចេញពីកីឡដ្ឋានដែលដាក់មនុស្សណែនតាន់តាប់ បន្ទាប់ពីប៉ូលិសបាញ់ឧស្ម័នបង្ហូរទឹកភ្នែកដើម្បីបំបែកអ្នកគាំទ្ររបស់ក្រុមម្ចាស់ផ្ទះ ដែលរត់ចូលទីលាននៅពេលចប់ការប្រកួត។

ក្រុមម្ចាស់ផ្ទះ Arema FC បានចាញ់ក្រុមភ្ញៀវ Persebaya Surabaya ក្នុងលទ្ធផល ៣-២ បើ ទោះបីជាអាជ្ញាធរនិយាយថា សំបុត្រមិនត្រូវបានលក់ឲ្យអ្នកគាំទ្រ Persebaya ជុំវិញការព្រួយបារម្ភអំពីសុវត្ថិភាពក៏ដោយ៕

ប្រែសម្រួល៖ Vann Vann

ប្រភព៖ CNA

ចុចអាន៖ ប៉ូលិសឥណ្ឌូណេស៊ី រងការរិះគន់ចាស់ដៃ បន្ទាប់ពីហេតុការណ៍ក្នុងកីឡដ្ឋាន សម្លាប់មនុស្ស ១២៥នាក់