Connect with us

ព័ត៌មានអន្ដរជាតិ

រដ្ឋធម្មនុញ្ញបក្សកុម្មុយនិស្ត ចិន ប្រឆាំងដាច់ខាតចំពោះឯករាជ្យភាព តៃវ៉ាន់

បានផុស

នៅ

រដ្ឋធម្មនុញ្ញថ្មីរបស់គណបក្សកុម្មុយនិស្តចិនដែលបានអនុម័តនៅសមាជជាតិរបស់ខ្លួនកាលពីថ្ងៃសៅរ៍បានចែងថា គណបក្សប្រឆាំងដាច់ខាតចំពោះឯករាជ្យភាពរបស់តៃវ់ាន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានរដ្ឋ Xinhua បានចេញផ្សាយឯកសារពេញលេញនៃរដ្ឋធម្មនុញ្ញដែលបានធ្វើវិសោធនកម្មកាលពីថ្ងៃពុធថា គណបក្សកុម្មុយនិស្តចិនប្រឆាំងយ៉ាងម៉ឺងម៉ាត់ និងរារាំងនូវអ្វីដែលទីក្រុងប៉េកាំងហៅថា ពួកបំបែកខ្លួនដែលស្វែងរក “ឯករាជ្យភាពតៃវ៉ាន់” ដើម្បីសម្រេចបាននូវការបង្រួបបង្រួមជាតិមាតុភូមិ ខណៈឯកសារ​នេះ​ក៏​តម្រូវ​ឲ្យ​សមាជិក​បក្ស​រក្សា​ជំហរ​ស្នូល​របស់​លោក​ប្រធានាធិបតី ស៊ី ជីនពីង ក្នុង​បក្សផងដែរ ។

ឯកសារនេះក៏អនុម័តផែនការដើម្បីសម្រេចបាននូវទំនើបកម្មសង្គមនិយមជាមូលដ្ឋាននៅឆ្នាំ ២០៣៥ និងកសាងចិនទៅជា “ប្រទេសសង្គមនិយមទំនើបដ៏អស្ចារ្យ” នៅពាក់កណ្តាលសតវត្សនេះផងដែរ ។

ទោះជាយ៉ាងណាក៏ដោយ ពាក្យស្លោកដែលបង្ហាញពីភាពស្មោះត្រង់ចំពោះលោក ស៊ី មិនត្រូវបានបញ្ចូលក្នុងឯកសារនេះនោះទេ ។ ពាក្យស្លោកនេះមានគោលបំណងពង្រឹងជំហរស្នូលរបស់លោក ស៊ី នៅក្នុងបក្ស និងតួនាទីរបស់លោកជាមេដឹកនាំមនោគមវិជ្ជារបស់ប្រទេសចិន ។

ទន្ទឹមនោះ មានការរំពឹងទុកផងដែរថា ទ្រឹស្តីនយោបាយរបស់លោក ស៊ី នឹងត្រូវប្តូរឈ្មោះទៅជា “គំនិតលោក ស៊ី ជីនពីង” ពោលដូចគ្នាទៅនឹងមនោគមវិជ្ជារបស់លោក ម៉ៅ សេទុង ដែលជាបិតាស្ថាបនិករបស់ប្រទេសចិន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកនាំពាក្យការបរទេស ចិន ឆ្លើយយ៉ាងខ្លីរឿងលោក ហ៊ូ ជីនតាវ ត្រូវបណ្ដើរ​ចេញពីសមាជបក្ស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម