ព័ត៌មានអន្ដរជាតិ

យោធាអ៊ុយក្រែនថា រុស្ស៊ី ធ្វើជាដកទ័ពចេញពី Kherson ដើម្បីទាក់ទាញកងកម្លាំងកៀវ

បានផុស

៣ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

លោកស្រី Natalia Humeniuk អ្នកនាំពាក្យយោធាអ៊ុយក្រែន បាននិយាយកាលពីថ្ងៃសៅរ៍ថា រុស្សីកំពុងបង្កើតការបំភាន់ធ្វើជាដកថយពី Kherson ដើម្បីទាក់ទាញកងកម្លាំងអ៊ុយក្រែន ឲ្យចូលរួមប្រយុទ្ធគ្នាតាមដងផ្លូវក្នុងទីក្រុងភាគខាងត្បូង។

លោកស្រី Humeniuk បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយអ៊ុយក្រែនថា កងទ័ពរុស្ស៊ីកំពុង ព្យាយាមយ៉ាងខ្លាំង ក្នុងការបញ្ចុះបញ្ចូលមនុស្សគ្រប់គ្នាថាពួកគេកំពុងដកថយ ប៉ុន្តែក្នុងពេលជាមួយគ្នានេះ យើងកំពុងឃើញភស្តុតាងជាក់ស្ដែងថា ពួកគេកំពុងស្នាក់នៅ ហើយក៏ជាកន្លែងដែលការប្រយុទ្ធគ្នាតាមផ្លូវដ៏តឹងតែងផងដែរ។

លោកស្រីក៏បន្ថែមទៀតថា “មានអង្គភាពយោធាដែលមានមូលដ្ឋាននៅទីនោះ ហើយឧបករណ៍យោធាជាច្រើនត្រូវបានឈរជើងនៅទីនោះ ហើយទីតាំងប្រយុទ្ធរបស់ពួកគេ ក៏ត្រូវបានកំណត់នៅទីនោះផងដែរ។

លោកស្រី Humeniuk ក៏បានកត់សម្គាល់ថា “នេះជាមូលហេតុដែលយើងដឹង យើងឃើញ ហើយយើងដឹងជាមុនថា តើការនិទានរឿងប្រភេទណាដែលពួកគេកំពុងព្យាយាមបញ្ចុះបញ្ចូលយើង ហើយយើងកំពុងតែបង្កើតយុទ្ធសាស្ត្រផ្ទាល់ខ្លួន។”

យ៉ាងណាមិញ កាលពីខែមុន អ្នកស្រុកម្នាក់បានពណ៌នាអំពីស្ថានការណ៍នៅតំបន់ Kherson ថា មានភាពតានតឹងខ្លាំង ខណៈមនុស្សអស់កម្លាំងនិងអស់អារម្មណ៍នៅតាមដងផ្លូវទទេ តាំងពីពាក់កណ្តាលរសៀលតទៅ ចំណែកឯទាហានរុស្ស៊ី តែងតែឃើញស្លៀកពាក់ស៊ីវិលជានិច្ច៕

ប្រែសម្រួល៖ សាង ស្រីល័ក្ខ

ប្រភព៖CNN

ចុចអាន៖លោក Zelensky ចោទ អ៊ីរ៉ង់ បែបណា រឿងបញ្ជូនយន្តហោះឲ្យ រុស្ស៊ី