ក្រោយមានអ្នកឆ្លងកូវីដច្រើនឡើងៗ នាយករដ្ឋមន្រ្តីថៃជំរុញឲ្យប្រជាជនកុំចេញទៅណា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រោយមានអ្នកឆ្លងកូវីដច្រើនឡើងៗ នាយករដ្ឋមន្រ្តីថៃជំរុញឲ្យប្រជាជនកុំចេញទៅណា

Published

on

នាយករដ្ឋមន្រ្តីថៃបានជំរុញឲ្យប្រជាជនស្នាក់នៅផ្ទះដើម្បីជួយទប់ទល់នឹងការផ្ទុះឡើងនៃជំងឺកូវីដ ១៩ ដែលបានចាប់ផ្តើមនៅក្នុងទីផ្សារអាហារសមុទ្រនៃខេត្តសាមុត សាខន និងដើម្បីជៀសវាងការបិទប្រទេសយ៉ាងតឹងរ៉ឹង ។

លោក ប្រាយុទ្ធ ចាន់អូចា ថ្លែងបែបនេះ បន្ទាប់ពីអាជ្ញាធរសុខាភិបាលបានបញ្ជាក់ពីករណីឆ្លងកូវីដក្នុងកម្រិតខ្ពស់បំផុតចំនួន ៧៤៥ ករណី ហើយលោកបាននិយាយថា រដ្ឋាភិបាលក៏បានយកចិត្តទុកដាក់ចំពោះការខូចខាតសេដ្ឋកិច្ចដែលអាចកើតមានពីវិធានការទប់ស្កាត់ដ៏តឹងរ៉ឺងនេះផងដែរ ។

លោកបានប្រាប់អ្នកយកព័ត៌មានថា “យើងមិនចង់បិទប្រទេសទាំងមូលនោះទេ ពីព្រោះយើងដឹងថាមានបញ្ហាអ្វីខ្លះនឹងកើតឡើង ដូច្នេះតើអ្នកទាំងអស់គ្នាអាចធ្វើវាដោយខ្លួនឯងបានទេ?” ។

លោក ប្រាយុទ្ធ បានមានប្រសាសន៍ថា “វាអាស្រ័យលើមនុស្សគ្រប់គ្នា ។ ប្រសិនបើយើងមិនចង់ឆ្លងជំងឺទេគ្រាន់តែស្នាក់នៅផ្ទះរយៈពេល ១៤ ទៅ ១៥ ថ្ងៃ ។ ប្រសិនបើអ្នកគិតដូចនេះនោះអ្វីៗនឹងមានសុវត្ថិភាព ហើយវាងាយស្រួលសម្រាប់ការគ្រប់គ្រង និងត្រួតពិនិត្យ” ។

រដ្ឋាភិបាលបានប្រកាសខេត្តចំនួន ២៨ រួមទាំងទីក្រុងបាងកកជាតំបន់ដែលមានហានិភ័យខ្ពស់ និងបានស្នើសុំឲ្យប្រជាជនធ្វើការពីផ្ទះ និងជៀសវាងការប្រមូលផ្តុំ ឬធ្វើដំណើរឆ្លងកាត់ព្រំដែនខេត្ត ។

នៅប្រទេសថៃក្រុមការងារពិសេសជំងឺកូវីដ ១៩ របស់រដ្ឋាភិបាលបានផ្តល់អនុសាសន៍ឲ្យពន្យារក្រឹត្យបន្ទាន់មួយដែលផ្តល់អំណាចដល់អាជ្ញាធរសុខាភិបាល និងអភិបាលខេត្តរហូតដល់ដំណាច់ខែកុម្ភៈ ។

ទន្ទឹមនោះការញ៉ាំអាហារពេលល្ងាចនៅតាមភោជនីយដ្ឋាននឹងត្រូវហាមឃាត់ក្រោយម៉ោង ៧ យប់ ។ ការញ៉ាំអាហារនៅតាមភោជនីយដ្ឋាននឹងត្រូវបានអនុញ្ញាតចាប់ពីម៉ោង ៦ ព្រឹកដល់ម៉ោង ៧ យប់ ប៉ុន្តែអនុញ្ញាតឲ្យមានការទិញអាហារយកទៅញ៉ាំតាមផ្ទះ ។ អ្នកហូបចុកត្រូវតម្រូវឲ្យរៀបចំតុឲ្យស្របទៅនឹងការអនុវត្តវិធានការគម្លាតសង្គម ។

បន្ថែមពីនេះការលក់គ្រឿងស្រវឹងត្រូវបានហាមឃាត់នៅក្នុងភោជនីយដ្ឋាន ខណៈពេលដែលរង្គសាល និងក្លឹបរាត្រីនៅក្នុងរដ្ឋធានី និងខេត្តដែលមានហានិភ័យខ្ពស់ត្រូវបានបញ្ជាឲ្យបិទទ្វារ ខណៈសាលារៀន និងមជ្ឈមណ្ឌលអប់រំនៅទូទាំងប្រទេសត្រូវបានបិទរយៈពេលមួយខែ ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ៨,៤៣៩ ករណី និងមានអ្នកស្លាប់ចំនួន ៦៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ចាប់ពីស្អែកទៅ ក្រុង បាងកក លែងឲ្យញ៉ាំអាហារនៅតាមភោជនីយដ្ឋានក្រោយម៉ោង ៧ យប់

ចុចអាន ៖ បាងកក​ បិទសាលាទាំងអស់២សប្តាហ៍ព្រោះស្ថានការណ៍កាន់តែធ្ងន់ធ្ងរ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ4 mins ago

ពិធីចូលឆ្នាំខ្មែរនៅតែប្រារព្ធ​ក្រោមវិធានការសុវត្ថិភាព

ព័ត៌មានជាតិ9 mins ago

អ្នកពាក់ព័ន្ធ​ជាមួយ​ស្ត្រី​វៀតណាម​២​នាក់​ឆ្លង​កូ​វីដ​១៩​នៅ​ស្វាយរៀង​ជិត​៤០​នាក់​លទ្ធផលតេស្ត​លើក​ទី​១​អវិជ្ជមាន​ទាំងអស់​

ព័ត៌មានអន្ដរជាតិ42 mins ago

សួនសត្វសហរដ្ឋអាមេរិកចាក់វ៉ាក់សាំងការពារកូវីដដល់ស្វាឪ

ព័ត៌មានជាតិ44 mins ago

ផ្អាកផ្ទះ​ជួល​មួយ​កន្លែង​​ទៀត​នៅ​ព្រះសីហនុ ក្រោយ​រក​ឃើញ​​​អ្នក​ស្នាក់​នៅ​វិជ្ជមាន​កូវីដ១៩​

ព័ត៌មានជាតិ58 mins ago

ថ្នាក់ដឹកនាំ​ខេត្តតាកែវ​អញ្ជើញ​ចុះសួរសុខទុក្ខ និង​នាំយក​គ្រឿងឧបភោគ​មួយចំនួនធំ ជូន​កងកម្លាំង​ឈរជើង​នៅតាម​បន្ទាត់​ព្រំដែន កម្ពុជា​-​វៀតណាម​

Sokha Hotels

ព័ត៌មានពេញនិយម

Helistar Cambodia - Helicopter Charter Services