ព័ត៌មានអន្ដរជាតិ
អតីតមេបញ្ជាការរង អង្គការណាតូ អំពាវនាវឲ្យមានសង្រ្គាមត្រជាក់លើកទី២
ឧត្តមសេនីយ៍អង់គ្លេស Richard Shirreff អតីតមេបញ្ជាការរងនៃអង្គការ ណាតូ បានអំពាវនាវឲ្យសមាជិកនៃប្លុកយោធាលោកខាងលិចមួយនេះ កុំចរចាជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន ដើម្បីបញ្ចប់វិបត្តិអ៊ុយក្រែនឲ្យសោះ។
លោក Shirreff បាននិយាយក្នុងបទសម្ភាសន៍របស់វិទ្យុ Times នៅសប្តាហ៍នេះថា “គន្លឹះនៃការចរចាណាមួយ នឹងក្លាយជាអ្វីដែលលោកពូទីនកំពុងស្វែងរក ព្រោះវានឹងមានន័យថា គាត់អាចបន្តនូវអ្វីដែលគាត់មាន។ ចូរកុំធ្វើខុសឲ្យសោះ គោលបំណងរយៈពេលវែងរបស់គាត់ និងគោលបំណងរបស់អ្នកជាតិនិយមជ្រុលដែលធ្វើតាមលោក ពូទីន គឺការបន្តសង្រ្គាម បន្តការព្យាយាម និងកសាងចក្រភពរុស្ស៊ីឡើងវិញ និងដើម្បីលុបអ៊ុយក្រែនចេញពីផែនទី”។
លោក Shirreff ដែលបានចូលនិវត្តន៍ក្នុងឆ្នាំ២០១៤ បានអះអាងថា កិច្ចចរចាដើម្បីបញ្ចប់ការប្រយុទ្ធគ្នានឹងមិនទទួលបានអ្វីទាំងអស់។ អ្វីដែលនឹងទទួលបាន គឺអនុញ្ញាតឲ្យរុស្ស៊ីទទួលបានមកវិញ កសាងឡើងវិញ បង្កើតឡើងវិញ ហ្វឹកហាត់ឡើងវិញ និងបន្តដំណើរផ្សេងទៀត។ ចំណុចសំខាន់គឺថា នឹងមិនមានសន្តិភាពទេនៅអឺរ៉ុប បើលោកពូទីន ឬមនុស្សដូចលោកពូទីន កាន់តំណែងក្នុងវិមានក្រឹមឡាំង។
យ៉ាងណាមិញ លោក Mark Milley អគ្គសេនាធិការចម្រុះរបស់សហរដ្ឋអាមេរិក បាននិយាយកាលពីថ្ងៃពុធថា ការដកថយនៃកងកម្លាំងរុស្ស៊ីក្នុងសប្តាហ៍នេះនៅតំបន់ Kherson អាចនាំទៅរកការចរចាសន្តិភាព។
លោកបានថ្លែងថា៖ “ពេលមានឱកាសចរចា ពេលណាសន្តិភាពអាចសម្រេចបាន ត្រូវចាប់វាឲ្យជាប់”។ ប៉ុន្តែ ទីប្រឹក្សាសន្តិសុខជាតិអាមេរិក លោក Jake Sullivan បានទទូចថា ទីក្រុងវ៉ាស៊ីនតោន មិនបានដាក់សម្ពាធលើអ៊ុយក្រែន ទៅកាន់តុចរចានោះទេ៕
ប្រែសម្រួល៖ Vann Vann
ប្រភព៖ RT
ចុចអាន៖ ដកទ័ពពិតមែន តែវិមានក្រឹមឡាំងអះអាងថា តំបន់ Kherson នៅតែជាផ្នែករបស់ប្រទេសរុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង