ព័ត៌មានអន្ដរជាតិ
មុនចាកចេញពីទីក្រុងភ្នំពេញ លោក ចូ បៃដិន ថ្លែងសារសំខាន់ៗ និងបង្ហាញភាពកក់ក្ដៅដល់ កម្ពុជា (មានវីដេអូ)
មុនអញ្ជើញចាកចេញពីរាជធានីភ្នំពេញ ប្រធានាធិបតីសហរដ្ឋអាមេរិកលោក ចូ បៃដិន បានថ្លែងសារសំខាន់ៗ និងសម្ដែងការគួរសមមិនធ្លាប់មានក្នុងនាមជាថ្នាក់ដឹកនាំកំពូលនៃមហាអំណាចពិភពលោក អំឡុងជំនួបនៅឯកិច្ចប្រជុំកំពូល អាស៊ាន-អាមេរិក លើកទី១០ កាលពីថ្ងៃទី១២ ខែវិច្ឆិកា ឆ្នាំ២០២២ ដែលកម្ពុជាធ្វើជាម្ចាស់ផ្ទះ ។

នៅក្នុងការបង្ហោះសារលើបណ្ដាញ Twitter លោក បៃដិន បាននិយាយថា វាពិតជាអស្ចារ្យណាស់ ដែលយើងបានជួបជុំជាមួយអ្នកទាំងអស់គ្នាម្តងទៀត ហើយពេលនេះ ពួកយើងបានវិលជួបជុំគ្នាជាថ្មីម្តងទៀតនៅទីនេះ ប្រទេសកម្ពុជា ។
លោកបានសរសេរនៅ Twitter របស់លោកទៀតថា “ខ្ញុំទន្ទឹងរង់ចាំការកសាងវឌ្ឍនភាពខ្លាំងជាងមុន ដែលពួកយើងបានធ្វើរួចហើយ ។ អាស៊ាន គឺជាបេះដូងនៃយុទ្ធសាស្ត្រឥណ្ឌូ-ប៉ាស៊ីហ្វិករបស់រដ្ឋបាលខ្ញុំ ហើយយើងបន្តពង្រឹងការប្តេជ្ញា ចិត្តរបស់យើងក្នុងការសហការបោះជំហានទៅមុខជាមួយសហគមន៍អាស៊ានដែលមានអំណាច និងសាមគ្គីភាព” ។

លោក បៃដិន បន្តទៀតថា សូមអរគុណម្តងទៀតចំពោះភាពជាដៃគូររយៈពេល ៤៥ ឆ្នាំ រវាងអាស៊ាន និងសហរដ្ឋអាមេរិក ហើយសម្រាប់អ្វីៗទាំងអស់ដែលយើងអាចសម្រេចបានរួមគ្នា ។
អ្វីដែលជាការកត់សម្គាល់នោះ គឺលោកប្រធានាធិបតីអាមេរិក ចូ បៃដិន បានថតរូប Selfie ជាមួយក្រុមការងារអាស៊ាន និងបានសរសេរសារបង្ហោះលើបណ្ដាញ Twitter ថា “សហរដ្ឋអាមេរិកមានទំនាក់ទំនងជាពិសេសជាមួយអាស៊ាន ។ ខ្ញុំស្ថិតនៅក្នុងរាជធានីភ្នំពេញ ប្រទេសកម្ពុជា ដើម្បីពង្រឹងការប្ដេជ្ញាចិត្តរបស់យើងដើម្បីធ្វើការងាររួបរួមជាមួយអាស៊ាន” ។

គួរបញ្ជាក់ថា លោក ចូ បៃដិន បានអញ្ជើញចេញពីទឹកដីនៃព្រះរាជាណាចក្រកម្ពុជាកាលពីវេលាម៉ោង ១៤ និង ២៥ នាទីរសៀលថ្ងៃទី១៣ ខែវិច្ឆកានេះ ក្រោយបំពេញកាតព្វកិច្ចចូលរួមកិច្ចប្រជុំអាស៊ាន-អាមេរិក និងកិច្ចប្រជុំពាក់ព័ន្ធដែលកម្ពុជាធ្វើជាម្ចាស់ផ្ទះ ៕
សូមទស្សនាវីដេអូ!
ដោយ ៖ ជីវ័ន្ត
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ២៤ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន


