ព័ត៌មានអន្ដរជាតិ
អ៊ុយក្រែន ប្រកាសអាសន្នថា ទ័ព រុស្ស៊ី មិនទាន់ចេញពីតំបន់ Kherson ទេ ដោយក្លែងខ្លួនជាជនស៊ីវិល
អាជ្ញាធរសន្តិសុខអ៊ុយក្រែនបានប្រកាសអាសន្នថា ទាហានរុស្ស៊ីកំពុងបន្តនៅក្នុងរដ្ឋធានីនៃតំបន់ Kherson ភាគខាងត្បូង ដោយការក្លែងខ្លួនជាជនស៊ីវិល បើទោះជាទាហានអ៊ុយក្រែនបានកាន់កាប់ទីក្រុងនេះមកវិញក៏ដោយ ។
សេវាសន្តិសុខនៃប្រទេសអ៊ុយក្រែនបាននិយាយនៅលើប្រព័ន្ធផ្សព្វផ្សាយសង្គមកាលពីពេលថ្មីៗនេះថា កងកម្លាំងអ៊ុយក្រែនបានឃាត់ខ្លួនសកម្មប្រយុទ្ធមិនមានឯកសណ្ឋានយោធា ដែលត្រូវបានគេដឹងថាជា អ្នកប្រយុទ្ធនៅក្នុងជួរយោធារបស់រុស្ស៊ី ហើយបានក្លែងខ្លួនជាជនស៊ីវិលនៅក្នុងទីក្រុង Kherson ។
ទន្ទឹមនោះ សេវាកម្ម និងប៉ូលិសអ៊ុយក្រែនក៏កំពុងមានការប្រុងប្រយ័ត្នខ្ពស់ផងដែរ ដោយសារតែពួកគេសង្ស័យថា ទាហានរុស្ស៊ីដែលក្លែងខ្លួនជាជនស៊ីវិលផ្សេងទៀត អាចស្ថិតនៅក្នុងតំបន់ដែលត្រូវបានរំដោះដោយទាហានអ៊ុយក្រែន ។
ដោយឡែក ក្រសួងការពារជាតិរបស់ចក្រភពអង់គ្លេសបាននិយាយកាលពីថ្ងៃអង្គារថា “បន្ទាប់ពីបោះបង់ចោលតំបន់ Kherson, រុស្ស៊ីបានងាកទៅផ្ដោតលើកំពង់ផែ Azov របស់ទីក្រុង Henichesk ធ្វើជា “រាជធានីបណ្តោះអាសន្ន” ជំនួសវិញ ។
ជាចុងក្រោយ ក្រសួងបាននិយាយទៀតថា ទីក្រុង Henichesk មានទីតាំងល្អក្នុងការពង្រឹងដល់តំបន់គ្រីមៀ ជាពិសេសរុស្ស៊ីមានបំណងពង្រឹងការការពាររបស់ខ្លួននៅភាគខាងត្បូងអ៊ុយក្រែនតែម្ដង ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោក Zelensky ចុះទៅតំបន់ Kherson ហើយប្តេជ្ញា បណ្តេញរុស្ស៊ី ចេញពីទឹកដីកាន់កាប់ទាំងអស់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង