ព័ត៌មានអន្ដរជាតិ
UN សម្រេចឲ្យ រុស្ស៊ី សង អ៊ុយក្រែន (មានវីដេអូ)
តាមរយៈសំឡេងភាគច្រើន មហាសន្និបាតអង្គការសហប្រជាជាតិ បានអនុម័តសេក្តីសម្រេចមួយ ដែលតម្រូវឲ្យរុស្ស៊ី ទូទាត់សងការខាតបង់ដែលបង្កឡើងលើអ៊ុយក្រែន ក្នុងអំឡុងពេលជម្លោះ ហើយបានទទួលស្គាល់ពីតម្រូវការក្នុងការបង្កើត “យន្តការអន្តរជាតិ” ពិសេសមួយដើម្បីធ្វើរឿងនេះ។
សេចក្តីសម្រេចនេះ ត្រូវបានគាំទ្រដោយប្រទេសចំនួន៩៤ នៅក្នុងការបោះឆ្នោតរបស់ស្ថាប័នពិភពលោកដែលមានសមាជិកចំនួន ១៩៣ កាលពីថ្ងៃចន្ទទី១៤ខែវិច្ឆិកា។ រដ្ឋចំនួន ៧៣ទៀតបានអនុបវាទ ខណៈ១៤ប្រទេស បោះឆ្នោតប្រឆាំង។ ក្នុងចំណោមប្រទេសដែលបោះឆ្នោតប្រឆាំងសេចក្តីសម្រេចនេះ រួមមានរុស្ស៊ីខ្លួនឯង ព្រមទាំងចិន អ៊ីរ៉ង់ និងស៊ីរីផងដែរ។
សេចក្តីសម្រេចនេះនិយាយថា “យន្តការអន្តរជាតិសម្រាប់សំណងការខូចខាត ការបាត់បង់ជីវិត ឬរបួសដែលកើតចេញពីអំពើខុសឆ្គងរបស់រុស្ស៊ីនៅអ៊ុយក្រែន គឺចាំបាច់ត្រូវតែបង្កើតឡើង។ សមាជិកនៃមហាសន្និបាត គួរតែបង្កើតការចុះបញ្ជីអន្តរជាតិ ដែលនឹងរួមបញ្ចូលការទាមទារ ឬទិន្នន័យទាក់ទងនឹងការខូចខាត ការបាត់បង់ជីវិត និងការរងរបួសរបស់អ៊ុយក្រែនដែលបង្កឡើងដោយរុស្ស៊ី”។
ថ្វីបើ សេចក្តីសម្រេចរបស់មហាសន្និបាតអង្គការសហប្រជាជាតិ មិនមានកាតព្វកិច្ចផ្លូវច្បាប់ក៏ដោយ ប៉ុន្តែវាក៏មានទម្ងន់នយោបាយដែរ។
តំណាងអចិន្ត្រៃយ៍របស់រុស្ស៊ីប្រចាំអង្គការសហប្រជាជាតិ លោក Vassily Nebenzia បានហៅសេចក្តីសម្រេចនេះថា ជាឯកសារមិនសំខាន់ផ្នែកច្បាប់។ លោក Nebenzia និយាយថា “ក្នុងពេលជាមួយគ្នានេះ សហអ្នកនិពន្ធមិនអាចជួយអ្វីបានឡើយ ប៉ុន្តែត្រូវដឹងថា ការអនុម័តសេចក្តីសម្រេចបែបនេះ នឹងនាំមកនូវផលវិបាកដែលអាចវាយបកទៅពួកគេវិញ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក Zelensky ចុះទៅតំបន់ Kherson ហើយប្តេជ្ញា បណ្តេញរុស្ស៊ី ចេញពីទឹកដីកាន់កាប់ទាំងអស់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ