Connect with us

ព័ត៌មានអន្ដរជាតិ

នាយករដ្ឋមន្ត្រី កាណាដា មានសិទ្ធិអំណាចបង្រ្កាបការតវ៉ាតាមដងផ្លូវ

បានផុស

នៅ

នាយករដ្ឋមន្រ្តីកាណាដាលោក Justin Trudeau បានអះអាងថា រដ្ឋាភិបាលរបស់លោកមានសិទ្ធិអំណាចក្នុងការបង្ក្រាបការតវ៉ាទ្រង់ទ្រាយធំតាមដងផ្លូវប្រឆាំងនឹងវិធានការកូវីដ ១៩ ខណៈវិធានការនេះគឺចាំបាច់ដើម្បីរក្សាសុវត្ថិភាពមនុស្ស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់គណៈកម្មការផ្លូវការមួយដែលត្រូវបានបង្កើតឡើងដើម្បីស៊ើបអង្កេតការសម្រេចចិត្តរបស់លោក Trudeau ក្នុងខែកុម្ភៈ ដើម្បីធ្វើសកម្មភាពច្បាប់ស្តីពីការសង្គ្រោះបន្ទាន់ជាលើកដំបូងក្នុងប្រវត្តិសាស្ត្ររបស់ប្រទេសកាណាដា, នាយករដ្ឋមន្ត្រីរូបនេះបានអះអាងថា វាគឺជាការសម្រេចចិត្តដ៏តឹងតែង ប៉ុន្តែជាការសម្រេចចិត្តចាំបាច់សម្រាប់បាតុកម្មដ៏ចលាចលនៅប្រទេសនៅពេលនោះ ។

ទន្ទឹមនោះ លោក Trudeau បានសួរទៅវិញថា “ចុះបើរឿងអាក្រក់បំផុតបានកើតឡើងនៅថ្ងៃបន្ទាប់នោះ? ចុះ​បើ​មាន​នរណា​ម្នាក់​រង​របួស? ចុះ​បើ​ខ្ញុំ​​នៅតែរង់ចាំក្នុងការធ្វើ​អ្វី​មួយ ហើយក្រោយមកយើង​មាន​រឿង​ដែល​នឹក​ស្មាន​មិន​ដល់​កើត​ឡើងនោះ យើងត្រូវដោះស្រាយដោយរបៀបណា?” ។

លោក Trudeau បានបន្តថា “វាជាការងាររបស់គាត់ក្នុងនាមជានាយករដ្ឋមន្ត្រី ក៏ដូចជាដើម្បីរក្សាសុវត្ថិភាពប្រជាជនកាណាដា ក្រោយមានការឯកភាពរួមក្នុងចំណោមសមាជិកគណៈរដ្ឋមន្ត្រីរបស់គាត់” ។

ទោះយ៉ាងណា ចំណាត់ការនេះមានភាពចម្រូងចម្រាស ជាពិសេសក្នុងចំណោមអ្នកអភិរក្ស និងអង្គការសេរីភាពស៊ីវិល ដែលជំរុញឲ្យរដ្ឋាភិបាលបង្កើត ‘គណៈកម្មាការសណ្តាប់ធ្នាប់សាធារណៈបន្ទាន់’ ដើម្បីស៊ើបអង្កេតថាតើការសម្រេចចិត្តនេះសមស្របឬអត់ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ លោកស្រី Tsai Ing-wen លាលែងតំណែងជាប្រធានគណបក្សភ្លាមៗ ក្រោយចាញ់ការបោះឆ្នោតថ្នាក់តំបន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម