Connect with us

ព័ត៌មានអន្ដរជាតិ

រុស្ស៊ី ស្តីបន្ទោស ការទាមទារ ៣ចំណុច របស់លោក Zelensky (មានវីដេអូ)

បានផុស

នៅ

អ្នកនាំពាក្យវិមានក្រឹមឡាំង លោក Dmitry Peskov បាននិយាយថា “ជំហានទាំង៣” ដែលប្រធានាធិបតីអ៊ុយក្រែន លោក Vladimir Zelensky ជំរុញឲ្យអ្នកគាំទ្របរទេសរបស់ខ្លួន ចាត់វិធានការដើម្បីជួយទីក្រុងកៀវ នឹងបណ្តាលឲ្យមានអរិភាពជាបន្តនៅក្នុងប្រទេសរបស់គាត់។

អ្នកនាំពាក្យវិមានក្រឹមឡាំង លោក Dmitry Peskov

លោក Peskov បាននិយាយកាលពីថ្ងៃអង្គារថា “នោះគឺជាការទាមទារទាំង៣ចំណុច ឆ្ពោះទៅរកការបន្តសកម្មភាពយោធា”។

លោក Zelensky បានគូសបញ្ជាក់ពីការទាមទារនេះ ដល់សមាជិកនៃក្រុមប្រទេស G7 នៅក្នុងសុន្ទរកថា មួយកាលពីថ្ងៃចន្ទទី១២ខែធ្នូ។ ការទាមទារទាំងនោះរួមមានការបញ្ជូនអាវុធទំនើបៗទៅឲ្យអ៊ុយក្រែន ដូចជារថក្រោះ និងមីស៊ីលរយៈចម្ងាយឆ្ងាយ, ការផ្តល់ឧស្ម័នបន្ថែម២ពាន់លានម៉ែត្រគូប ដើម្បីឆ្លងកាត់រដូវរងា និងការប្រើប្រាស់ផ្នែកការទូត ដើម្បីជួយទីក្រុងកៀវសម្រេចបាននូវគោលដៅរបស់ខ្លួនក្នុងជម្លោះជាមួយរុស្ស៊ី។

ប្រធានាធិបតីអ៊ុយក្រែន លោក Vladimir Zelensky
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ លោក Peskov បាន​និយាយ​ថា ទីក្រុង​កៀវ គួរ​តែ​គោរព​តាមការពិត​ថ្មី ហើយ​ទទួលស្គាល់ថា រុស្ស៊ី​បានកាត់​បញ្ចូល​ទឹកដី​ជា​ច្រើនរួចទៅហើយ​បន្ទាប់​ពី​ប្រជាមតិ។ អតីត​តំបន់​អ៊ុយក្រែន​ចំនួន​បួន ​បាន​បោះឆ្នោត​ចូលរួម​ជាមួយ​រុស្ស៊ី​នៅ​រដូវ​ស្លឹកឈើ​ជ្រុះ​នេះ ហើយឧបទ្វីប​ Crimea ​ក៏​បាន​ធ្វើ​ដូចគ្នានេះដែរ​ក្នុង​ឆ្នាំ២០១៤ ក្រោយ​រដ្ឋប្រហារ​ក្នុង​ទីក្រុងកៀវ។

លើសពីនេះ ទីក្រុងមូស្គូបានព្រមានជាច្រើនលើកច្រើនសារថា ការបញ្ជូនអាវុធលោកខាងលិចចូលទៅក្នុងអ៊ុយក្រែន មានតែធ្វើឲ្យជម្លោះអូសបន្លាយពេលប៉ុណ្ណោះ ហើយនឹងមិនផ្លាស់ប្តូរលទ្ធផលអ្វីនោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ អាមេរិក សារភាពថា ណាតូ កំពុងខ្វះខាតអាវុធធ្ងន់ធ្ងរ ដោយសារអ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម