Connect with us

ព័ត៌មានអន្ដរជាតិ

បាក់ដីនៅម៉ាឡេស៊ី មនុស្សស្លាប់កើនដល់ ១៦នាក់

បានផុស

នៅ

ការរអិលបាក់ដី បានសម្លាប់មនុស្សចំនួន១៦នាក់នៅប្រទេសម៉ាឡេស៊ី ខណៈពួកគេដេកលង់លក់ក្នុងតង់ នៅឯកន្លែងបោះជំរំមួយក្នុងទីក្រុង Batang Kali ក្បែរ Genting Highlands កាលពីព្រឹកថ្ងៃសុក្រទី១៦ខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមស្វែងរកកំពុងរុករកតាមភក់ដ៏ក្រាស់ និងដើមឈើដែលដួលរលំ ដើម្បីរកមនុស្សចំនួន១៧នាក់ ដែលនៅតែបាត់ខ្លួន។

ក្រសួងអភិវឌ្ឍន៍រដ្ឋាភិបាលក្នុងតំបន់របស់ប្រទេសម៉ាឡេស៊ីបាននិយាយថា មនុស្សចំនួន ៦១ នាក់ត្រូវបានរកឃើញថាមានសុវត្ថិភាព ក្នុងចំណោមមនុស្សសរុប៩៤នាក់ ជាប់នៅក្នុងការរអិលបាក់ដីនេះ។

មេប៉ូលិសស្រុក Suffian Abdullah បាននិយាយថា អ្នកស្លាប់គឺជាជនជាតិម៉ាឡេស៊ី ហើយរួមទាំងក្មេងអាយុប្រហែលប្រាំឆ្នាំម្នាក់ផងដែរ។

លោកបានប្រាប់សន្និសីទសារព័ត៌មានមួយថា មនុស្សជិត ៤០០ នាក់មកពីទីភ្នាក់ងារជាច្រើនត្រូវបានដាក់ពង្រាយ ខណៈកិច្ចខិតខំប្រឹងប្រែងស្វែងរក និងជួយសង្គ្រោះកំពុងបន្ត។

គួរបញ្ជាក់ថា ការរអិលបាក់ដីគឺជារឿងធម្មតានៅក្នុងប្រទេសម៉ាឡេស៊ី បន្ទាប់ពីមានភ្លៀងធ្លាក់ខ្លាំង នៅចុងឆ្នាំ។

កាលពីខែមីនា មនុស្ស៤នាក់ បានស្លាប់បន្ទាប់ពីការរអិលបាក់ដីដ៏ធំដែលបង្កឡើងដោយភ្លៀងធ្លាក់ខ្លាំង បានកប់ផ្ទះរបស់ពួកគេនៅជាយក្រុង Kuala Lumpur។

កាលពីឆ្នាំមុន មនុស្សប្រហែល ២១០០០ នាក់ត្រូវបានផ្លាស់ទីលំនៅដោយសារទឹកជំនន់ បន្ទាប់ពីមានភ្លៀងធ្លាក់ខ្លាំងនៅក្នុងរដ្ឋចំនួន៧ទូទាំងប្រទេស។

នៅក្នុងឧបទ្ទវហេតុដ៏អាក្រក់បំផុត ការរអិលបាក់ដីដ៏ធំក្នុងឆ្នាំ១៩៩៣ដែលបង្កឡើងដោយភ្លៀងធ្លាក់ខ្លាំង បានបណ្តាលឲ្យអគារលំនៅដ្ឋានកម្ពស់១២ជាន់នៅក្រៅរដ្ឋធានីដួលរលំ ដោយបានសម្លាប់មនុស្សចំនួន៤៨នាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ បាក់ដី និងទឹកជំនន់នៅ វៀតណាម បណ្តាលឲ្យមានអ្នកស្លាប់ និងបាត់ខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម