ព័ត៌មានអន្ដរជាតិ
យន្តហោះចិន ហោះកៀក យន្តហោះអាមេរិក លើសមុទ្រចិនខាងត្បូង (មានវីដេអូ)
យោធាអាមេរិកបាននិយាយនៅថ្ងៃសុក្រទី៣០ខែធ្នូនេះថា យន្តហោះយោធាចិនមួយគ្រឿងបានចូលមកជិតក្នុងចម្ងាយ៦ម៉ែត្រ ពីយន្តហោះរបស់កងទ័ពអាកាសអាមេរិក ហើយបានបង្ខំឲ្យខ្លួនបើកគេច ដើម្បីចៀសវាងការប៉ះទង្គិចគ្នា នៅក្នុងដែនអាកាសអន្តរជាតិលើសមុទ្រចិនខាងត្បូងកាលពីសប្តាហ៍មុន។
ការបើកមកជិតគ្នានេះ បានកើតឡើងបន្ទាប់ពីអ្វីដែលសហរដ្ឋអាមេរិកហៅថា ជាអាកប្បកិរិយាដ៏គ្រោះថ្នាក់នាពេលថ្មីៗ ដោយយន្តហោះយោធាចិន។
យោធាអាមេរិកបាននិយាយនៅក្នុងសេចក្តីថ្លែងការណ៍មួយថា ឧបទ្ទវហេតុដែលពាក់ព័ន្ធនឹងយន្តហោះចម្បាំង J-11 របស់កងទ័ពជើងទឹកចិន និងយន្តហោះ RC-135 របស់កងទ័ពអាកាសអាមេរិក បានកើតឡើងកាលពីថ្ងៃទី២១ខែធ្នូ។
“កងកម្លាំងរួមឥណ្ឌូប៉ាស៊ីហ្វិករបស់សហរដ្ឋអាមេរិក បានប្តេជ្ញាចិត្តចំពោះតំបន់ឥណ្ឌូប៉ាស៊ីហ្វិកដោយសេរី និងបើកចំហ ហើយនឹងបន្តការហោះហើរ ធ្វើនាវាចរណ៍ និងប្រតិបត្តិការនៅសមុទ្រ និងក្នុងដែនអាកាសអន្តរជាតិ ដោយគិតគូរអំពីសុវត្ថិភាពនៃនាវា និងយន្តហោះទាំងអស់ ក្រោមច្បាប់អន្តរជាតិ”។
ក្នុងជំនួបជាមួយសមភាគីចិនកាលពីខែវិច្ឆិកា រដ្ឋមន្ត្រីការពារជាតិអាមេរិក លោក Lloyd Austin បានលើកឡើងពីតម្រូវការក្នុងការធ្វើឲ្យប្រសើរឡើងនូវទំនាក់ទំនងដែលមានវិបត្តិ ហើយថែមទាំងបានកត់សម្គាល់នូវអ្វីដែលលោកហៅថា ជាអាកប្បកិរិយាគ្រោះថ្នាក់ដោយយន្តហោះយោធាចិនផងដែរ។
ដោយឡែក ក្រសួងការពារជាតិអូស្ត្រាលីបាននិយាយកាលពីខែមិថុនាថា យន្តហោះចម្បាំងចិនមួយគ្រឿង បានហោះស្ទាក់ យន្តហោះស៊ើបការណ៍យោធាអូស្ត្រាលីយ៉ាងគ្រោះថ្នាក់នៅក្នុងតំបន់សមុទ្រចិនខាងត្បូង។
អូស្ត្រាលីនិយាយថា យន្តហោះរបស់ចិន បានហោះយ៉ាងកៀកនៅពីមុខយន្តហោះ ហើយបានបញ្ចេញវត្ថុដ៏គ្រោះថ្នាក់ ដែលមានបំណែកអាលុយមីញ៉ូមតូចៗ ចូលទៅក្នុងម៉ាស៊ីនរបស់យន្តហោះអូស្ត្រាលី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ The National News
ចុចអាន៖ អាមេរិក រៀបចំ ផែនការ យោធា ដើម្បីការពារលោកស្រី Pelosi ពេលធ្វើទស្សនកិច្ច តៃវ៉ាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង