ព័ត៌មានអន្ដរជាតិ
អភិបាលក្រុងកៀវ បន្ទោសអាជ្ញាធរ អ៊ុយក្រែន ចំៗ (មានវីដេអូ)
អភិបាលក្រុងកៀវលោក Vitaly Klitschko បានចោទប្រកាន់ថា អាជ្ញាធរអ៊ុយក្រែន មើលស្រាលហានិភ័យនៃការវាយលុករបស់យោធារុស្ស៊ីនៅដើមឆ្នាំ២០២២។ ក្រុមមន្ត្រីបានប្រាប់សារព័ត៌មាន Der Spiegel ថា ការអំពាវនាវរបស់លោក Klitschko នៅពេលនោះឲ្យពង្រឹងការការពារស៊ីវិលក្នុងរដ្ឋធានី គ្មាននរណាយកត្រចៀកស្តាប់ទេ។
នៅក្នុងបទសម្ភាសន៍ជាមួយប្រព័ន្ធផ្សព្វផ្សាយអាល្លឺម៉ង់ ដែលចេញផ្សាយកាលពីចុងសប្តាហ៍ លោក Klitschko បានស្តីបន្ទោសថា ថ្វីបើលោកបានបង្កូកប្រកាសឲ្យការពារជនស៊ីវិល និងទទូចថា អ៊ុយក្រែនត្រូវតែរៀបចំខ្លួនក៏ដោយ ប៉ុន្តែរដ្ឋាភិបាលនៅតែអះអាងថា “អ្វីគ្រប់យ៉ាងនឹងមិនអីទេ ប៉ុន្តែក្រោយមកមិនយូរប៉ុន្មាន រុស្ស៊ីក៏ចាប់ផ្តើមប្រតិបត្តិការយោធារបស់ខ្លួន”។
យោងតាមអភិបាលក្រុងរូបនេះ, អ្នកខ្លះថែមទាំងបានរិះគន់គាត់ផងដែរនៅពេលនោះ ដោយថាគាត់បង្កការភិតភ័យ។ លោកបន្តអះអាងថា អាកប្បកិរិយាទាំងនេះ បានរាលដាលក្នុងចំណោមមន្ត្រីអ៊ុយក្រែន ថ្វីបើមានការព្រមានពីអ្នកជំនាញលោកខាងលិច និងអ៊ុយក្រែនក៏ដោយ។
គួរបញ្ជាក់ថា រុស្ស៊ីបានបញ្ជូនកងទ័ព ចូលទៅក្នុងប្រទេសអ៊ុយក្រែននៅថ្ងៃទី២៤ ខែកុម្ភៈ ដោយលើកឡើងពីការបរាជ័យរបស់ទីក្រុងកៀវ ក្នុងការអនុវត្តកិច្ចព្រមព្រៀងទីក្រុងមីនស្កិ៍ ដែលត្រូវបានរចនាឡើងដើម្បីផ្តល់ឋានៈពិសេសដល់តំបន់ Donetsk និង Lugansk ក្នុងរដ្ឋអ៊ុយក្រែន។
ពិធីសារដែលសម្របសម្រួលដោយអាល្លឺម៉ង់ និងបារាំង ត្រូវបានចុះហត្ថលេខាជាលើកដំបូងនៅក្នុងឆ្នាំ២០១៤។ ចាប់តាំងពីពេលនោះមក អតីតប្រធានាធិបតីអ៊ុយក្រែនលោក Pyotr Poroshenko បានទទួលស្គាល់ថា គោលដៅចម្បងរបស់ទីក្រុងកៀវ គឺប្រើប្រាស់បទឈប់បាញ់ដើម្បីទិញពេលវេលា និងបង្កើតកងកម្លាំងប្រដាប់អាវុធដ៏មានឥទ្ធិពល៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក Zelensky ប្រាប់ប្រជាជនរុស្ស៊ីថា ពូទីនកំពុងបំផ្លាញអ្នក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ