ព័ត៌មានអន្ដរជាតិ
លោក Lula da Silva ស្បថចូលកាន់តំណែងជាប្រធានាធិបតី ប្រេស៊ីល
កាលពីថ្ងៃអាទិត្យទី០១ខែមករាឆ្នាំ២០២៣ លោក Luiz Inácio Lula da Silva បានស្បថចូលកាន់តំណែងជាប្រធានាធិបតីប្រេស៊ីល ក្នុងរដ្ឋធានី ប្រាស៊ីលីយ៉ា ដែលនេះជាការឡើងកាន់អំណាចលើកទីបី។
អ្នកឆ្វេងនិយមរូបនេះ បានផ្តួលលោក Jair Bolsonaro ក្នុងការបោះឆ្នោតខែតុលាឆ្នាំ២០២២ ដើម្បីវិលត្រលប់មកឆាកនយោបាយវិញដ៏គួរឲ្យភ្ញាក់ផ្អើល ពោលត្រឹមរយៈពេលតែបីឆ្នាំប៉ុណ្ណោះ បន្ទាប់ពីលោក Da Silva ត្រូវបានដោះលែងពីពន្ធនាគារ ពីបទចោទប្រកាន់អំពើពុករលួយ និងមានរយៈពេល១២ឆ្នាំបន្ទាប់ពីអាណត្តិពីរលើកដំបូងរបស់គាត់ ជាប្រធានាធិបតី។
លោក Da Silva បានសន្យានាំប្រេស៊ីលវិលត្រលប់ទៅរក “ភាពធម្មតាវិញ” ដោយចាប់ផ្តើមការផ្លាស់ប្តូរនយោបាយដ៏សំខាន់មួយនៅក្នុងប្រទេស។
កាលពីថ្ងៃសុក្រ លោក Bolsonaro បានចាកចេញពីប្រទេសទៅកាន់រដ្ឋ Florida នៃសហរដ្ឋអាមេរិក ហើយគេមិនច្បាស់ទេថា តើពេលណាទើបគាត់នឹងវិលត្រលប់មកប្រេស៊ីលវិញ។
នៅក្នុងសុន្ទរកថាសម្ពោធចូលកាន់តំណែង លោក Lula បានប្តេជ្ញាថានឹងកសាងប្រទេសឡើងវិញ បន្ទាប់ពីអ្វីដែលគាត់និយាយថា គឺជានយោបាយស្តាំនិយមដែលបំផ្លិចបំផ្លាញរយៈពេល៤ឆ្នាំ។ គាត់បានថ្កោលទោសរដ្ឋបាលរបស់អ្នកកាន់តំណែងមុន ចំពោះការប្រព្រឹត្តអំពើប្រល័យពូជសាសន៍ ដោយសារតែបរាជ័យ ក្នុងការប្រយុទ្ធប្រឆាំងនឹងជំងឺរាតត្បាតកូវីដ១៩។
ប្រជាជនប្រេស៊ីលជាង ៦០០ ០០០នាក់ បានស្លាប់ដោយសារជំងឺកូវីដ១៩ ដែលនេះជាតួលេខអ្នកស្លាប់ខ្ពស់បំផុតលំដាប់ទីពីររបស់ពិភពលោកបន្ទាប់ពីសហរដ្ឋអាមេរិក។ លោក Da Silva ក៏បានសន្យាប្រយុទ្ធប្រឆាំងនឹងភាពអត់ឃ្លាន និងភាពក្រីក្រ, ការពារព្រៃអាម៉ាហ្សូន និងពង្រឹងសិទ្ធិជនជាតិដើមភាគតិចផងដែរ។
ដោយសារតែលោក Bolsonaro នៅឆ្ងាយ ដូច្នេះលោក Da Silva មិនបានទទួលការផ្ទេរខ្សែឆៀងប្រធានាធិបតី តាមប្រពៃណីទេ។ ផ្ទុយទៅវិញ លោក Da Silva បានទទួលកិត្តិយសពីប្រជាជនប្រេស៊ីលធម្មតា រួមទាំងមេដឹកនាំជនជាតិដើមផងដែរ៕
ប្រែសម្រួល៖ Vann Vann
ប្រភព៖ NPR
ចុចអាន៖ លោក Lula da Silva ជាប់ឆ្នោតជាប្រធានាធិបតីប្រេស៊ីល ក្រោយឈ្នះគូប្រជែង ទាំងប៉ផុតប៉ផើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង