Connect with us

ព័ត៌មានអន្ដរជាតិ

ណាសា ព្រមានថា ចិន នឹងដណ្តើមយក​​ ទឹកដីនៅ ឋានព្រះចន្ទ (មានវីដេអូ)

បានផុស

នៅ

អភិបាលអង្គការ ណាសា លោក Bill Nelson បាននិយាយថា ប្រទេសចិន អាចព្យាយាមគ្រប់គ្រងទីតាំងដែលសម្បូរធនធានបំផុតនៅលើឋានព្រះចន្ទ ប្រសិនបើខ្លួនឈ្នះការប្រកួតប្រជែងជាមួយសហរដ្ឋអាមេរិក។

អភិបាលអង្គការ ណាសា លោក Bill Nelson
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nelson បាននិយាយនៅក្នុងបទសម្ភាសជាមួយ Politico កាលពីចុងសប្តាហ៍ថា “ជាការពិត! យើងកំពុងស្ថិតក្នុងការប្រកួតប្រជែងនៅទីអវកាស។ ហើយវាជាការពិត! យើងត្រូវប្រយ័ត្នឲ្យបានល្អជាងនេះដែលថា ចិននឹងមិនទៅដល់កន្លែងមួយនៅលើឋានព្រះចន្ទ ក្រោមការដឹកនាំនៃការស្រាវជ្រាវវិទ្យាសាស្ត្រនោះទេ”។

ប្រធានទីភ្នាក់ងារអវកាសអាមេរិករូបនេះបានបន្ថែមថា បញ្ហាគឺថា មានកន្លែងច្រើនណាស់នៅលើប៉ូលខាងត្បូងនៃឋានព្រះចន្ទ ដែលគ្រប់គ្រាន់សម្រាប់ការបូមយកទឹក និងអ្វីៗផ្សេងទៀត។

ចំពោះហេតុផលសម្រាប់ការអះអាងរបស់លោក លោកបានលើកឡើងពីសកម្មភាពរបស់ទីក្រុងប៉េកាំង នៅលើភពផែនដី។ លោក Nelson និយាយថា “ប្រសិនបើអ្នកសង្ស័យ សូមក្រឡេកមើលអ្វីដែលចិនបានធ្វើជាមួយប្រជុំកោះ Spratly ជាប្រជុំកោះនៅសមុទ្រចិនខាងត្បូង ដែលត្រូវបានប្រកួតប្រជែងដោយប្រទេសផ្សេងទៀត ប៉ុន្តែជាកន្លែងដែលយោធាចិនបានបង្កើតមូលដ្ឋានទ័ព”។

គួរបញ្ជាក់ថា ក្នុងឆ្នាំ២០១៩ ចិនបានក្លាយជាប្រទេសដំបូងគេ ដែលធ្វើការចុះចតយាន នៅផ្នែកឆ្ងាយនៃឋានព្រះចន្ទដែលជាផ្នែកនៃបេសកកម្មមនុស្សយន្ត Chang’e 4 របស់ខ្លួន។ ក្រោយ​មក ខ្លួន​អាច​បញ្ជូន​គំរូ​ព្រះចន្ទ​ត្រលប់​មក​ផែនដី​វិញ។

ទីក្រុងប៉េកាំងនិយាយថា ខ្លួនរំពឹងថា នឹងដាក់មនុស្សម្នាក់នៅលើឋានព្រះចន្ទមុនឆ្នាំ២០៣០ ហើយក្រោយមកទៀតនឹងបង្កើតស្ថានីយស្រាវជ្រាវវិទ្យាសាស្ត្រនៅទីនោះតែម្តង។

ក្នុងរយៈពេលប៉ុន្មានឆ្នាំចុងក្រោយនេះ រដ្ឋបាលអវកាសជាតិចិន (CNSA) ក៏បានបញ្ជូនយានអវកាស និងយានរុករកទៅកាន់ភពព្រះអង្គារដោយជោគជ័យ ហើយបានបាញ់បង្ហោះស្ថានីយអវកាសជាតិរបស់ខ្លួនទៅកាន់គន្លងផែនដីផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ឆ្នាំនេះ ណាសា បញ្ជូនយានឆ្ពោះទៅ អាចម៍ផ្កាយសម្បូរលោហធាតុ ដែលសមល្មមឲ្យមនុស្សមួយផែនដី ក្លាយជាមហាសេដ្ឋី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម