ព័ត៌មានអន្ដរជាតិ
រុស្ស៊ី ដាក់នាវាចម្បាំងទី១ បំពាក់ដោយមីស៊ីលល្បឿនលឿនជាងសំឡេង ចូលក្នុងប្រតិបត្តិការប្រយុទ្ធ ហើយ (មានវីដេអូ)
នាវាចម្បាំង “Admiral Gorshkov” របស់កងទ័ពជើងទឹករុស្ស៊ី បានក្លាយជានាវាចម្បាំង បំពាក់ដោយមីស៊ីលល្បឿនលឿនជាងសំឡេង Zircon ដំបូងគេ ដែលបានចាប់ផ្តើមប្រតិបត្តិការប្រយុទ្ធ។
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានពិនិត្យមើលពិធីដាក់ឲ្យដំណើរការនេះ កាលពីថ្ងៃពុធទី០៤ខែមករា តាមរយៈ Video Link ដោយប្រកាសថា មីស៊ីល Zircon គឺជា “អាវុធពិសេស” ហើយថា “គ្មានប្រទេសណា មានអ្វីអាចយកមកប្រៀបផ្ទឹមជាមួយនឹងមីស៊ីលនេះបានឡើយ។ ខ្ញុំប្រាកដថា គ្រឿងសព្វាវុធដ៏មានអានុភាពបែបនេះ នឹងអនុញ្ញាតឲ្យយើងការពាររុស្ស៊ីយ៉ាងខ្ជាប់ខ្ជួន ពីការគំរាមកំហែងពីបរទេស។ វានឹងជួយរក្សាផលប្រយោជន៍ជាតិរបស់ប្រទេសយើង”។
យោងតាមរដ្ឋមន្ត្រីការពារជាតិលោក Sergey Shoigu, នាវាចម្បាំងនេះ នឹងអនុវត្តការធ្វើដំណើរនៅមហាសមុទ្រអាត្លង់ទិក និងមហាសមុទ្រឥណ្ឌា ក៏ដូចជាសមុទ្រមេឌីទែរ៉ាណេផងដែរ។
លោក Shoigu និយាយថា “នាវាដែលបំពាក់ជាមួយមីស៊ីល Zircon មានសមត្ថភាព ធ្វើការវាយប្រហារប្រកបដោយភាពជាក់លាក់ខ្ពស់ និងខ្លាំងក្លាទៅលើសត្រូវនៅសមុទ្រ និងនៅលើដីគោក។ លក្ខណៈពិសេសតែមួយគត់នៃមីស៊ីលល្បឿនលឿនជាងសំឡេង Zircon គឺសមត្ថភាពធានារបស់ពួកគេ ក្នុងការឆ្លងកាត់ប្រព័ន្ធការពារដែនអាកាសដែលមានស្រាប់ ឬអនាគត”។ លោក Shoigu បន្ថែមថា មីស៊ីលនេះ មានរយៈចម្ងាយជាង ១០០០គីឡូម៉ែត្រ។
គួរបញ្ជាក់ថា នាវាចម្បាំងនេះ បានចូលរួមជាមួយកងនាវាភាគខាងជើងរបស់រុស្ស៊ីជាលើកដំបូងក្នុងឆ្នាំ២០១៨។ ការសាកល្បងមីស៊ីល Zircon លើនាវា បានចាប់ផ្តើមនៅឆ្នាំ២០២០ ហើយបានបញ្ចប់កាលពីឆ្នាំមុន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី បន្ទោសកងទ័ពខ្លួន ថា ប្រើប្រាស់ទូរស័ព្ទ ទើបធ្វើឲ្យអ៊ុយក្រែន ចាប់សញ្ញាបាន បាញ់សម្លាប់ច្រើននាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ