ព័ត៌មានអន្ដរជាតិ
រដ្ឋកាលីហ្វ័រញ៉ា រងទុក្ខធ្ងន់ ខណៈត្រូវវាយប្រហារដោយព្យុះធំទី៩
ខណៈដែលឆ្នេរសមុទ្រភាគខាងលិចនៃសហរដ្ឋអាមេរិក កំពុងទប់ទល់នឹងព្យុះដ៏ធំទីប្រាំបួនក្នុងរយៈពេលបីសប្តាហ៍នោះ អភិបាលរដ្ឋកាលីហ្វ័រញ៉ា លោក Gavin Newsom បានចុះហត្ថលេខាលើបទបញ្ជាប្រតិបត្តិថ្មីមួយ ដើម្បីពង្រឹងការឆ្លើយតបជាបន្ទាន់បន្ថែមទៀត ខណៈរដ្ឋរបស់គាត់ ប្រឈមនឹងទឹកជំនន់ និងការរអិលបាក់ដីដ៏ធ្ងន់ធ្ងរ។
ក្នុងសេចក្តីថ្លែងការណ៍មួយនៅថ្ងៃអង្គារទី១៧ខែមករានេះ ការិយាល័យរបស់លោក Newsom និយាយថា ការវាយលុកដោយភ្លៀងធ្លាក់ឥតឈប់ និងខ្យល់ព្យុះខ្លាំង បានបណ្តាលឲ្យមានមនុស្សស្លាប់យ៉ាងតិច២០នាក់ និងបង្ខំឲ្យមានការជម្លៀសអ្នកស្រុករាប់ម៉ឺននាក់។
បទបញ្ជាប្រតិបត្តិចុងក្រោយនេះ កើតឡើងពីរថ្ងៃបន្ទាប់ពីប្រធានាធិបតីអាមេរិកលោក ចូ បៃដិន បានប្រកាសថា ស្ថានភាពនៅក្នុងរដ្ឋកាលីហ្វ័រញ៉ាគឺជា គ្រោះមហន្តរាយដ៏ធំមួយ និងបានបញ្ជាឲ្យផ្តល់ជំនួយបន្ថែមពីសហព័ន្ធសម្រាប់រដ្ឋដែលលិចទឹកមួយនេះ។
កិច្ចខិតខំប្រឹងប្រែងបោសសម្អាតកំពុងដំណើរការ ខណៈរដ្ឋកាលីហ្វ័រញ៉ា បន្តស៊ូទ្រាំនឹងឥទ្ធិពលនៃព្យុះ ស្របពេលការព្រមានអំពីទឹកជំនន់ និងបទបញ្ជាជម្លៀស នៅតែមានសម្រាប់តំបន់នានា រួមទាំង Monterey ដែលជាតំបន់ដ៏ល្បីល្បាញសម្រាប់ឆ្នេរសមុទ្រ និងផ្លូវហាយវេដែលមានច្រាំងថ្មចោតផងដែរ។
នៅតំបន់ San Diego ជិតព្រំដែនជាមួយប្រទេសម៉ិកស៊ិក កាសែត Los Angeles Times បានរាយការណ៍ថា មនុស្សចំនួន៩នាក់ ត្រូវបានជួយសង្គ្រោះពីទឹកដែលហូរយ៉ាងលឿន។
ការរអិលបាក់ដីបានបង្ខំឲ្យជម្លៀសមនុស្សចេញពីផ្ទះចំនួន១០ខ្នងនៅ Berkeley Hills ភាគខាងជើងរដ្ឋកាលីហ្វ័រញ៉ានៅព្រឹកថ្ងៃអង្គារ។ ហើយនៅភាគខាងត្បូងរដ្ឋកាលីហ្វ័រញ៉ា ថ្ម ភក់ និងកម្ទេចកម្ទីជាច្រើន បានហូរចាក់ទៅលើផ្លូវហាយវេក្នុងទីក្រុង Los Angeles និង Ventura។
ទន្ទឹមនោះ សេវាអាកាសធាតុជាតិបានចេញ ការព្រមានអំពីព្យុះរដូវរងា សម្រាប់តំបន់ភ្នំ ដោយព្យាករថា ការធ្លាក់ព្រិលភាគច្រើននឹងកើតឡើង៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ រដ្ឋកាលីហ្វ័រញ៉ា បញ្ជាជម្លៀសមនុស្សជិត ១ម៉ឺននាក់ជាបន្ទាន់ ខណៈរងគ្រោះធ្ងន់ធ្ងរដោយសារព្យុះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង