រុស្ស៊ី ចាប់ផ្តើមធ្វើសមយុទ្ធជាមួយ សម្ព័ន្ធមិត្តចាក់ទឹកមិនលិច (មានវីដេអូ)

ក្រសួងការពារជាតិបេឡារុសនិយាយថា ប្រទេសបេឡារុស និងរុស្ស៊ី បានចាប់ផ្តើមសមយុទ្ធទ័ពអាកាសយុទ្ធសាស្ត្ររួមគ្នា ដែលនឹងបន្តរហូតដល់ថ្ងៃទី០១ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សេចក្តីថ្លែងការណ៍របស់ក្រសួង ទីភ្នាក់ងារព័ត៌មាន Xinhua បានរាយការណ៍ ថា គោលដៅចម្បងនៃសមយុទ្ធនេះគឺដើម្បីបង្កើនភាពចុះសម្រុងគ្នានៃប្រតិបត្តិការ ក្នុងអំឡុងពេលបេសកកម្មហ្វឹកហាត់ប្រយុទ្ធរួមគ្នា។

កងទ័ពដែលចូលរួម នឹងអនុវត្តការឈ្លបយកការណ៍តាមអាកាស ការល្បាតរួមគ្នានៅតាមព្រំដែនរដ្ឋ ការគាំទ្រផ្លូវអាកាសសម្រាប់កងទ័ពជើងគោក ការចុះចតតាមយុទ្ធសាស្ត្រ ការដឹកជញ្ជូនទំនិញ និងការជម្លៀសអ្នករបួស។

ក្រសួងបន្ថែមថា គ្រប់អាកាសយានដ្ឋាន និងកន្លែងហ្វឹកហ្វឺនរបស់កងកម្លាំងការពារអាកាស និងកងកម្លាំងការពារដែនអាកាសរបស់ប្រទេសបេឡារុស បានចូលរួមនៅក្នុងសមយុទ្ធនេះ។

មុនសមយុទ្ធនេះកើតឡើង មានការព្រួយបារម្ភនៅតំបន់ Chernihiv ដែលជាតំបន់ភាគខាងជើងរបស់ប្រទេសអ៊ុយក្រែន ជាប់ព្រំដែនប្រទេសបេឡារុស។

ក្រោយ​​ដឹង​ពី​ការ​ធ្វើ​សមយុទ្ធ​រួម​គ្នានេះ​លើ​បណ្ដាញ​សង្គម អ្នកស្រុក​បាន​ចាប់​ផ្ដើម​ត្រៀម​ខ្លួន ដោយភ័យខ្លាចថា អាចមានរឿងហេតុអាក្រក់ណាមួយកើតឡើង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Telugu Stop

ចុចអាន៖ សមយុទ្ធរួម រុស្ស៊ី-បេឡារុស កំពុងបង្កការភ័យខ្លាចដល់ប្រជាជននៅតំបន់​ភាគខាងជើង អ៊ុយក្រែន