Connect with us

ព័ត៌មានអន្ដរជាតិ

លោក បៃដិន តែងតាំងឯកអគ្គរដ្ឋទូតសិទ្ធិមនុស្សប្រចាំ កូរ៉េខាងជើង ក្រោយ​កៅអីនេះទំនេរជិត ៦ ឆ្នាំ

បានផុស

នៅ

ប្រធានាធិបតីសហរដ្ឋអាមេរិកលោក ចូ បៃដិន បានប្រកាសតែងតាំងបេសកជនពិសេសទទួលបន្ទុកសិទ្ធិមនុស្សប្រចាំនៅប្រទេសកូរ៉េខាងជើង ក្រោយមានការអនុម័តពីសភា បន្ទាប់ពីកៅអីនេះនៅទំនេរជិត ៦ ឆ្នាំមកហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមានបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា លោកស្រី Julie Turner ដែលជាប្រធានការិយាល័យក្រសួងការបរទេសសហរដ្ឋអាមេរិក ប្រចាំតំបន់អាស៊ីបូព៌ា និងប៉ាស៊ីហ្វិក នៅក្នុងការិយាល័យប្រជាធិបតេយ្យ សិទ្ធិមនុស្ស និងការងារ ត្រូវបានតែងតាំងជាបេសកជនពិសេសស្តីពីបញ្ហាសិទ្ធិមនុស្សប្រចាំនៅកូរ៉េខាងជើង ដោយមានឋានៈជាឯកអគ្គរដ្ឋទូត ។

លោក បៃដិន បានដាក់បញ្ហាសិទ្ធិមនុស្សក្នុងប្រទេសកូរ៉េខាងជើង ស្ថិតក្នុងចំណោមបញ្ហាកំពូលៗរបស់លោក ដោយបានប្រកាសពីចេតនារបស់លោកក្នុងការតែងតាំងបេសកជនភ្លាមៗ បន្ទាប់ពីចូលកាន់តំណែងនៅឆ្នាំ ២០២១ ។

ប៉ុន្តែបញ្ហានេះត្រូវបានពន្យារពេល ដោយសារតែផលពិបាកក្នុងការស្វែងរកបេក្ខជន នៅពេលដែលលទ្ធភាពនៃការបន្តកិច្ចសន្ទនាជាមួយទីក្រុងព្យុងយ៉ាងនៅតែស្ថិតក្នុងភាពមិនប្រាកដប្រជា ។

ចំពោះតំណែងនេះដែរ ពីមុនគឺកាន់កាប់ដោយលោក Robert King ដែលបម្រើការអស់រយៈពេលជាង ៧ ឆ្នាំពោលពីឆ្នាំ២០០៩ រហូតដល់ឆ្នាំ ២០១៧ ។

លោក Robert King

ក្នុងនាមជាបេសកជន លោក King បានធ្វើការពិភាក្សាស្តីពីការផ្តល់ជំនួយស្បៀងអាហារដល់ប្រទេសកូរ៉េខាងជើង ហើយលោកក៏បានជួបជាមួយក្រុមគ្រួសាររបស់ពលរដ្ឋជប៉ុន ដែលត្រូវបានចាប់ពង្រត់ដោយកូរ៉េខាងជើង និងបានគាំទ្រកិច្ចខិតខំប្រឹងប្រែងឆ្ពោះទៅរកការដោះស្រាយបញ្ហាចាប់ពង្រត់ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី កម្ទេចអាវុធ អាមេរិក ផ្ដល់ឲ្យ អ៊ុយក្រែន ដណ្ដើមបានភូមិចំនួន ២ ទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម