ព័ត៌មានអន្ដរជាតិ
កូរ៉េខាងត្បូង និងអាមេរិក ធ្វើសមយុទ្ធដែនអាកាស ឆ្លើយតបទៅការគំរាមកំហែងរបស់ កូរ៉េខាងជើង (មានវីដេអូ)
ទីភ្នាក់ងារសារព័ត៌មាន Yonhap បានរាយការណ៍នៅថ្ងៃព្រហស្បតិ៍ទី០២ខែកុម្ភៈថា ប្រទេសកូរ៉េខាងត្បូង និងសហរដ្ឋអាមេរិក បានធ្វើសមយុទ្ធដែនអាកាសរួមគ្នា ដោយមានការចូលរួមពីសំណាក់យន្តហោះទម្លាក់គ្រាប់បែកយុទ្ធសាស្ត្រ និងយន្តហោះចម្បាំងបំបាំងកាយអាមេរិក ដើម្បីឆ្លើយតបទៅនឹងការគំរាមកំហែងរបស់កូរ៉េខាងជើង។

ទីភ្នាក់ងារនេះផ្សាយថា យន្តហោះទាំងនោះ បានហោះហើរលើសមុទ្រលឿង ដែលស្ថិតនៅចន្លោះប្រទេសចិន និងឧបទ្វីបកូរ៉េ នៅក្នុងសមយុទ្ធលើកដំបូងនៃឆ្នាំ២០២៣។
ការបង្ហាញសាច់ដុំយោធានេះ កើតឡើងមួយថ្ងៃ បន្ទាប់ពីរដ្ឋមន្ត្រីការពារជាតិអាមេរិកលោក Lloyd Austin និងសមភាគីកូរ៉េខាងត្បូងបានបញ្ជាក់អំពីការបង្កើនសមយុទ្ធបែបនេះ និងកិច្ចសហប្រតិបត្តិការសន្តិសុខបន្ថែមទៀតរវាងសម្ព័ន្ធមិត្តទាំងពីរ ខណៈពួកគេកំពុងដោះស្រាយជាមួយការបាញ់មីស៊ីលកាន់តែញឹកញាប់ និងការគំរាមកំហែងនុយក្លេអ៊ែរពីទីក្រុងព្យុងយ៉ាង។

Yonhap ផ្សាយថា សមយុទ្ធចុងក្រោយនេះ គឺមានការចូលរួមដោយយន្តហោះទម្លាក់គ្រាប់បែកយុទ្ធសាស្ត្រធុន B-1B និងយន្តហោះចម្បាំងបំបាំងកាយ F-22 និង F-35B ពីកងទ័ពអាកាសអាមេរិក និងយន្តហោះចម្បាំង F-35A ពីយោធាកូរ៉េខាងត្បូង។
ដោយដកស្រង់ប្រភពក្រសួងការពារជាតិ Yonhap បានរាយការណ៍ថា “សមយុទ្ធដែនអាកាសរួមគ្នាលើកនេះ គឺបង្ហាញពីឆន្ទៈនិងសមត្ថភាពរបស់សហរដ្ឋអាមេរិក ក្នុងការផ្តល់នូវការទប់ស្កាត់ដ៏រឹងមាំ និងគួរឲ្យទុកចិត្តបាន ប្រឆាំងនឹងការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ ដំណើរទស្សនកិច្ចរបស់លោក Austin អាចបង្ហាញពីការពង្រីកសកម្មភាព យោធា អាមេរិក លើទឹកដី ហ្វីលីពីន
-
ជីវិតកម្សាន្ដ១ សប្តាហ៍ មុន
ប៉ូលិសរកឃើញ ក្បាលនិងឆ្អឹងជំនីរ តារាស្រីហុងកុង នៅក្នុងឆ្នាំងស៊ុប
-
ជីវិតកម្សាន្ដ៦ ថ្ងៃ មុន
រៀមច្បង Anne បង្ហោះរូបជាមួយ Patricia ក្នុងន័យចង់មានផ្ទៃពោះដែរ
-
ជីវិតកម្សាន្ដ១ សប្តាហ៍ មុន
Bella ត្រូវមនុស្សទូទាំងប្រទេសថៃកោតសរសើរ ក្រោយនិយាយប្រយោគមួយឃ្លា
-
ជីវិតកម្សាន្ដ១ សប្តាហ៍ មុន
មហាជនរិះគន់ Margie ក្រោយ Bella ក្លាយជាផ្ទាំងស៊ីប ដែលនាងមិនចង់រួមការងារជាមួយ
-
ជីវិតកម្សាន្ដ១ សប្តាហ៍ មុន
រូបរាងរបស់ Janie កំពុងរងការរិះគន់ថា ដូចមនុស្សទាស់សរសៃ
-
ជីវិតកម្សាន្ដ១ សប្តាហ៍ មុន
តារាប្រុសម្នាក់ ធ្វើអត្តឃាតសម្លាប់ខ្លួនទាំងវ័យក្មេង ដោយសារជំងឺផ្លូវចិត្តធ្ងន់ធ្ងរ
-
ជីវិតកម្សាន្ដ៦ ថ្ងៃ មុន
ទម្លាយទ្រព្យសម្បត្តិរបស់ Janie ដែលខំរកដោយដៃឯង
-
ជីវិតកម្សាន្ដ៦ ថ្ងៃ មុន
ផ្ទុះកាន់តែធំ! មនុស្សម្នាក់ព្រមាន Bella កុំសេពគប់ជាមួយក្រុមតារាស្រីស្អាត