ព័ត៌មានអន្ដរជាតិ

ជនជាតិអាមេរិកជាងកន្លះលាននាក់ងាកទៅប្រើ Telegram ក្រោយបណ្ដាញសង្គមធំៗបិទគណនីលោក Trump

បានផុស

៦ years មុន

នៅ

ថ្ងៃអង្គារ ១២ មករា ២០២១

ដោយ

កាសែត The Telegraph បានរាយការណ៍ថា កម្មវិធី Telegram បានក្លាយជាកម្មវិធីដែលទាញយកច្រើនជាងគេលំដាប់ទី ២ នៅសហរដ្ឋអាមេរិក បន្ទាប់ពីប្រធានាធិបតី Donald Trump ត្រូវបានផ្អាកពីការប្រើប្រាស់គណនី Twitter និង Facebook ក្រោយការលុកលុយវិមានកាពីតូដ៏សាហាវដោយអ្នកគាំទ្រលោក Trump មានប្រដាប់អាវុធ និងហានិភ័យនៃការញុះញង់ឲ្យមានអំពើហិង្សា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះកាសែតបាននិយាយកាលពីថ្ងៃចន្ទថា ប្រជាជនប្រហែល ៥៤៥,០០០ នាក់នៅសហរដ្ឋអាមេរិកបានទាញយកកម្មវិធី Telegram នៅចន្លោះថ្ងៃពុធ និងថ្ងៃអាទិត្យដែលមានចំនួនជិត ៣ ដងបើប្រៀបធៀបទៅនឹងរយៈពេលដូចគ្នាកាលពីសប្តាហ៍មុន ។

កាលពីថ្ងៃសៅរ៍ស្ថាបនិកក្រុមហ៊ុន Telegram លោក Pavel Durov បាននិយាយដោយដកស្រង់សម្តីដោយកាសែត The Telegraph ថា កម្មវិធី Telegram កំពុងធ្វើការដើម្បីបន្តមុខងារនៅលើទូរស័ព្ទ iPhone ទោះបីជាក្រុមហ៊ុន Apple ដកកម្មវិធី Telegram ចេញពី App Store ក៏ដោយ ។

នៅថ្ងៃទី ៦ ខែមករា ក្រុមអ្នកគាំទ្រលោក Trump បានសម្រុកចូលអគារកាពីតូលអាមេរិកនៅក្នុងទីក្រុងវ៉ាស៊ីនតោន ខណៈសមាជិកសភាបានជួបគ្នាដើម្បីបញ្ជាក់ពីជ័យជម្នះនៃការបោះឆ្នោតរបស់ប្រធានាធិបតីជាប់ឆ្នោតលោក Joe Biden ។ ចាប់តាំងពីពេលនោះប្រធានាធិបតីរូបនេះត្រូវបានបណ្តាញសង្គមធំៗរារាំង និងហាមឃាត់មិនឲ្យប្រើគណនីរបស់ខ្លួនយ៉ាងហោចណាស់រហូតដល់ពេលដែលគាត់ចាកចេញពីតំណែង ៕