Connect with us

ព័ត៌មានអន្ដរជាតិ

Trump ត្រូវហាមមិនឲ្យលេង Facebook និង Instagram ដោយគ្មានកំណត់ពេលបន្ទាប់ពីកុបកម្ម

បានផុស

នៅ

លោក Donald Trump ត្រូវបានរារាំងមិនឲ្យប្រើប្រាស់ Facebook និង Instagram ដោយគ្មានកំណត់ពេល។ នេះបើយោងតាមការឲ្យដឹងពីលោក Mark Zuckerberg។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការលុកលុយវិមាន Capitol ដ៏សាហាវដោយអ្នកគាំទ្រលោក Trump មានប្រដាប់អាវុធ, ប្រធានាធិបតីអាមេរិកផុតអាណត្តិរូបនេះត្រូវបានហាមឃាត់ជាផ្លូវការពីវេទិកាប្រព័ន្ធផ្សព្វផ្សាយសង្គមយ៉ាងហោចណាស់រយៈពេលពីរសប្តាហ៍។

លោក Zuckerberg ស្ថាបនិកនិងជានាយកប្រតិបត្តិក្រុមហ៊ុន Facebook ដែលជាម្ចាស់ Instagram បានប្រកាសពីការហាមឃាត់នេះនៅព្រឹកថ្ងៃសុក្រ។

លោកបានសរសេរនៅក្នុងបណ្តាញសង្គម Facebook ថា “ព្រឹត្តិការណ៍ដ៏គួរឲ្យភ្ញាក់ផ្អើលក្នុងរយៈពេល២៤ម៉ោងចុងក្រោយបានបង្ហាញយ៉ាងច្បាស់ថា លោកប្រធានាធិបតី Donald Trump មានចេតនាប្រើប្រាស់ពេលវេលាដែលនៅសល់ក្នុងតំណែងរបស់លោក ដើម្បីធ្វើឲ្យអន្តរាយដល់ការផ្លាស់ប្តូរអំណាចដោយសន្តិវិធីនិងស្របច្បាប់ ទៅឲ្យអ្នកស្នងតំណែងដែលបានជាប់ឆ្នោតគឺលោក Joe Biden”។ 

“យើងជឿជាក់ថា​ ហានិភ័យនៃការអនុញ្ញាតឲ្យលោកប្រធានាធិបតីបន្តប្រើប្រាស់សេវាកម្មរបស់យើងក្នុងអំឡុងពេលនេះ គឺពិតជាខ្ពស់ខ្លាំងណាស់”។

“ដូច្នេះ យើងកំពុងពង្រីកបម្រាមដែលយើងបានដាក់នៅលើគណនី Facebook និង Instagram របស់គាត់ដោយគ្មានពេលកំណត់ហើយយ៉ាងហោចណាស់ ពីរសប្តាហ៍ទៀតរហូតដល់ការផ្លាស់ប្តូរអំណាចដោយសន្តិវិធីត្រូវបានបញ្ចប់”។

រឿងនេះបានកើតឡើងបន្ទាប់ពី Twitter និយាយកាលពីថ្ងៃព្រហស្បតិ៍ថា ខ្លួនបានបិទគណនីរបស់លោកប្រធានាធិបតី Donald Trump រយៈពេល១២ម៉ោងជាបណ្តោះអាសន្នហើយបានព្រមានជាលើកដំបូងថា ខ្លួនអាចនឹងបិទជាអចិន្ត្រៃយ៍តែម្តង។

ក្រុមហ៊ុននិយាយថា ការបិទជាបណ្តោះអាសន្ននេះគឺឆ្លុះបញ្ចាំងពីការរំលោភបំពានលើច្បាប់របស់ Twitter ដោយលោក Trump។

គួរបញ្ជាក់ថា មនុស្សចំនួន៤នាក់ត្រូវបានសម្លាប់ក្នុងកុបកម្មនៅទីក្រុង វ៉ាស៊ីនតោន ឌីស៊ី ស្របពេលក្រុមបាតុកររាប់រយនាក់សម្រុកចូលទៅក្នុងអគារ Capitol ដែលជាសភាអាមេរិក៕

ប្រែសម្រួលដោយ៖ Vann Vann

ប្រភព៖​ Daily Star

ចុចអាន៖ ប្រធានសភាអាមេរិក អំពាវនាវឲ្យដក Trump ចេញពីតំណែងភ្លាមៗ ដោយហៅលោកថាជា “មនុស្សគ្រោះថ្នាក់បំផុត”

ចុចអាន៖ Twitter ព្រមានបិទគណនីរបស់លោក Trump ជារៀងរហូត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម