ព័ត៌មានអន្ដរជាតិ
ប្រទេសមួយនៅ អាស៊ី ប្រាប់ ណាតូ កុំឲ្យលូកដៃចូលជ្រៅពេកក្នុងសង្គ្រាម រុស្ស៊ី-អ៊ុយក្រែន
រដ្ឋមន្ត្រីការបរទេសប៉ាឡេស្ទីនលោក Riad al-Maliki សម្ដែងក្ដីបារម្ភថា អង្គការណាតូកំពុងលូកដៃកាន់តែជ្រៅទៅហើយក្នុងជម្លោះជាមួយរុស្ស៊ី តាមរយៈការផ្គត់ផ្គង់អាវុធធុនធ្ងន់ និងទំនើបទៅឲ្យអ៊ុយក្រែន ។
អ្នកការទូតរូបនេះលើកឡើងថា លោកឃើញអង្គការណាតូកាន់តែខិតទៅជិតការធ្វើអន្តរាគមន៍ក្នុងជម្លោះ រុស្ស៊ី-អ៊ុយក្រែន តាមរបៀបដែលពួកគេកំពុងប្រព្រឹត្ត គឺការផ្តល់អាវុធឲ្យអ៊ុយក្រែនបន្តប្រយុទ្ធជាមួយរុស្ស៊ី ។
ជាក់ស្ដែងនាពេលថ្មីៗនេះ សមាជិកអង្គការណាតូមួយចំនួនកំពុងតែផ្តល់អាវុធថ្មីៗឲ្យអ៊ុយក្រែនដូចជា រថក្រោះប្រយុទ្ធ Abrams និងរថក្រោះខ្លារខិន Leopard 2 ជាដើម ហើយមិនតែប៉ុណ្ណោះ អ៊ុយក្រែន ថែមទាំងកំពុងស្នើរសុំយន្តហោះចម្បាំង F-16 ពីអាមេរិកថែមទៀតផង ។
លោកព្រមានថា នេះពិតជានឹងនាំប្រទេសណាតូទាំងអស់ចូលទៅក្នុងកម្រិតនៃការប្រឈមមុខគ្នាមិនខាន ហើយលោកជឿថា ការប្រឈមមុខដាក់គ្នានេះមិនត្រឹមតែក្នុងតំបន់ ឬកំណត់ត្រឹមភាគខាងកើតអ៊ុយក្រែនឡើយ ប៉ុន្តែវាក៏អាចរាលដាលទៅកន្លែងផ្សេងទៀតផងដែរ ។
មន្ត្រីការទូតរូបនេះសង្ឃឹមថា ណាតូនឹងពិចារណាឡើងវិញចំពោះទង្វើមួយនេះ ហើយបានស្នើឲ្យមានកិច្ចប្រជុំកំពូលមួយ ដើម្បីអាចកំណត់បន្ទាត់ក្រហមដែលជម្លោះមិនគួរឆ្លងកាត់ឡើយ ដើម្បីការពារវាពីការរីករាលដាលកាន់តែខ្លាំងឡើង ។
ជាមួយគ្នានេះ រុស្ស៊ីក៏បានព្រមានណាតូម្តងហើយម្តងទៀត ប្រឆាំងនឹងការបញ្ជូនអាវុធធុនធ្ងន់ទៅកាន់អ៊ុយក្រែន ដែលចង់ប្រើកាំជ្រួចរយៈចម្ងាយឆ្ងាយ ដើម្បីវាយប្រហារជ្រៅទៅក្នុងទឹកដីរុស្ស៊ី រួមទាំងនៅឧបទ្វីបគ្រីមៀផងដែរ ៕
ប្រែសម្រួលដោយ ៖ នាង រតនៈ
ប្រភព ៖ Sputnik
ចុចអាន ៖ រញ្ជួយដីខ្លាំងក្លា រង្គើ៦ប្រទេស សម្លាប់មនុស្សជាង ៣០០នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង