ប្រទេសមួយនៅ អឺរ៉ុប រកឃើញករណីជំងឺគោឆ្កួត

អង្គការសុខភាពសត្វពិភពលោក (WOAH) បានឲ្យដឹងកាលពីថ្ងៃសុក្រថា ប្រទេសអេស្ប៉ាញរកឃើញជំងឺខួរក្បាលប្រភេទ BSE នៅក្នុងគោងាប់មួយក្បាលនៅតំបន់ Galicia ភាគពាយ័ព្យ ។

អ្នកជំនាញបានរកឃើញជំងឺនេះ បន្ទាប់ពីគោអាយុ ២២ ឆ្នាំត្រូវបានចាក់ថ្នាំសម្លាប់ ដោយសារតែមានរោគសញ្ញានៃជំងឺគោឆ្កួត ចំណែកឯសេវាសុខភាពក្នុងតំបន់របស់ Galicia ធ្វើការប្រកាសលើគេហទំព័ររបស់ខ្លួនថា “ករណីជំងឺនេះមិនទាន់ពាក់ព័ន្ធនឹងមនុស្សទេ ព្រោះវាមិនបានចូលរួមក្នុងខ្សែអាហារនៅឡើយ” ។

ជាទូទៅជំងឺគោឆ្កួតធម្មតាបណ្ដាលមកពីចំណីសត្វដែលមានមេរោគ ដោយឡែកជំងឺគោឆ្កួតពិសេសខាងលើកើតឡើងច្រើនចំពោះគោវ័យចាស់ ។

សូមបញ្ជាក់ដែរថា ករណីជំងឺគោឆ្កួតធ្លាប់វាយប្រហារហ្វូងគោនៅចក្រភពអង់គ្លេស និងបណ្តាប្រទេសអឺរ៉ុបផ្សេងទៀតក្នុងទសវត្សរ៍ឆ្នាំ ១៩៩០ សម្រាប់ករណីពិសេសអាចនាំឲ្យមានការរឹតបន្តឹងជំនួញជួញដូរសត្វគោបណ្តោះអាសន្នផងដែរ ៕

ប្រែសម្រួល ៖ វារី

ប្រភព ៖ Asianone

ចុចអាន ៖ ចិន ហាមឃាត់ការនាំចូលសាច់គោ អង់គ្លេស អាយុក្រោម ៣០ ខែ ក្រោយរកឃើញជំងឺមួយនេះ