អាមេរិក កំពុងកើនឡើងចំនួនអ្នកធ្វើអត្តឃាត

ការសិក្សាបានរកឃើញថា ​ចំនួនប្រជាជានអាមេរិកដែលបានធ្វើអត្តឃាត នៅក្នុងឆ្នាំ២០២១ បានកើនឡើងដល់ ៤៨,១៨៣នាក់ គួរបារម្ភ។ នេះបើយោងតាមរបាយការណ៍មជ្ឈមណ្ឌលគ្រប់គ្រង និងការពារជំងឺ (CDC) ដែលទើបចេញផ្សាយ ។

ទីភ្នាក់ងារការពារសុខភាពអាមេរិកបាននិយាយនៅក្នុងរបាយការណ៍មួយថា តួលេខនេះជាតួលេខខ្ពស់បំផុត រាប់ចាប់តាំងពីឆ្នាំ២០១៨មក ដែលកាលណោះមានមនុស្សចំនួន ៤៨,៣៤៤នាក់ បានសម្លាប់ខ្លួន។

លុះមកដល់ឆ្នាំ២០១៩ ការធ្វើអត្តឃាតបានធ្លាក់ចុះមកត្រឹម ៤៧,៥១១នាក់ និងក្នុងឆ្នាំ២០២០ ការធ្វើអត្តឃាតបានធ្លាក់ចុះបន្តទៀតមកត្រឹម ៤៥,៩៧៩នាក់។

យ៉ាងណាមិញ របាយការណ៍ក្នុងឆ្នាំ២០២១ បានកើនឡើងចំនួន ២,២០៤នាក់ ដែលនាំឱ្យចំនួននៃការធ្វើអត្តឃាតសរុបមានរហូតដល់ ៤៨,១៨៣នាក់ ឬស្មើនឹង ១៤.២នាក់ ក្នុងចំណោមប្រជាជន ១ម៉ឺននាក់។ ដោយសារតួលេខចេះតែកើនឡើងមិនឈប់ ក្រុមអ្នកសិក្សាបង្ហាញក្ដីបារម្ភយ៉ាងខ្លាំង និងព្រមានពីការកើនឡើងបន្តទៀតផងដែរ៕

ប្រែសម្រួល៖ សន្យា

ប្រភព៖ RT

ចុចអាន៖ ប្រទេសមួយនៅ អឺរ៉ុប រកឃើញករណីជំងឺគោឆ្កួត

ចុចអាន៖ ក្មេងប្រុសមហាសំណាង ត្រូវសង្គ្រោះបានពីក្រោមគំនរបាក់បែក ក្រោយជាប់ ៤ថ្ងៃ